ന്യൂഡെൽഹി: രാജ്യത്തെ യുവാക്കൾ ഇന്നത്തെ ദിവസം തൊഴിലില്ലായ്‌മ ദിനമായി ആചരിക്കുമെന്ന് കോൺഗ്രസ് എംപി രാഹുൽ ഗാന്ധി. പ്രധാനമന്ത്രി നരേന്ദ്ര മോദിയുടെ പിറന്നാൾ ദിനമായ ഇന്ന് അദ്ദേഹത്തിന് ആശംസ നേർന്ന് ട്വീറ്റ് ചെയ്‌തതിന് പിന്നാലെയായിരുന്നു രാഹുലിന്റെ വിമർശനവും.
“തൊഴിലില്ലായ്‌മ നിരക്കിലുണ്ടാകുന്ന വർദ്ധന രാജ്യത്തെ യുവാക്കളെ ഈ ദിവസം ദേശീയ തൊഴിലില്ലായ്‌മ ദിനമായി ആചരിക്കാൻ നിർബന്ധിതരാക്കുന്നു. തൊഴിൽ ഒരു അന്തസ്സാണ്. എത്രകാലം സർക്കാരിന് അത് അവഗണിച്ച് കൊണ്ട് മുന്നോട്ട് പോകാൻ കഴിയും?,”- രാഹുൽ ഗാന്ധി ചോദിച്ചു.
यही कारण है कि देश का युवा आज #राष्ट्रीय_बेरोजगारी_दिवस मनाने पर मजबूर है।
रोज़गार सम्मान है।
सरकार कब तक ये सम्मान देने से पीछे हटेगी?Massive unemployment has forced the youth to call today #NationalUnemploymentDay.
Employment is dignity.
For how long will the Govt deny it? pic.twitter.com/FC2mQAW3oJ— Rahul Gandhi (@RahulGandhi) September 17, 2020
രാജ്യത്ത് തൊഴിലില്ലായ്‌മ നിരക്ക് കുത്തനെ ഉയരുന്നത് സംബന്ധിച്ച് ഹിന്ദി പത്രത്തിൽ വന്ന റിപ്പോർട്ട് പങ്കു വച്ചുകൊണ്ടായിരുന്നു രാഹുലിന്റെ ട്വീറ്റ്. രാജ്യത്ത് ഒരു കോടിയിലേറെ ഇന്ത്യക്കാർ ജോലി തേടുമ്പോൾ 1.77 ലക്ഷം ജോലി മാത്രമാണ് ശേഷിക്കുന്നതെന്നാണ് റിപ്പോർട്ടിൽ പറയുന്നത്.
Also Read: മോദിക്ക് പിറന്നാള്‍ ആശംസകള്‍ നേര്‍ന്ന് റഷ്യന്‍ പ്രസിഡന്റ്
അതേസമയം, മോദിയുടെ പിറന്നാൾ ദിവസം ദേശീയ തൊഴിലില്ലായ്‌മ ദിനമായി ആചരിക്കണമെന്ന് ആവശ്യപ്പെട്ട് ട്വിറ്ററിൽ ഹാഷ്‌ടാഗ്‌ ക്യാമ്പയിൻ നടക്കുന്നുണ്ട്. ‘നാഷണൽ അൺഎംപ്ലോയ്‌മെന്റ് ഡേ’ എന്ന പേരിലാണ് ഹാഷ്‌ടാഗ്‌ ക്യാമ്പയിൻ നടക്കുന്നത്.
