ന്യൂ ഡെൽഹി: കേന്ദ്ര ആഭ്യന്തര മന്ത്രി അമിത് ഷായുടെ പരാമർശത്തിനെതിരെ പരിഹാസവുമായി കോൺഗ്രസ് മുൻ അദ്ധ്യക്ഷൻ രാഹുൽ ഗാന്ധി എംപി. ജിഡിപി വളർച്ചയിൽ 24 ശതമാനം ഇടിവ്, 12 കോടി തൊഴിൽ നഷ്ടം, 115.5 ലക്ഷം കോടിയുടെ അധിക വായ് പ ബാധ്യത, ആഗോളതലത്തിൽ ഏറ്റവും കൂടുതൽ പ്രതിദിന കോവിഡ് കേസുകളും മരണങ്ങളും എന്നിവയാണ് സർക്കാരിന്റെ കൊറോണ വൈറസിനെതിരായ ‘ആസൂത്രിതമായ പോരാട്ടം’ കൊണ്ട് രാജ്യത്തിനുണ്ടായ ഫലമെന്ന് രാഹുൽ പരിഹസിച്ചു. പക്ഷേ, കേന്ദ്ര സർക്കാരിനും മാദ്ധ്യമങ്ങൾക്കും ‘എല്ലാം നല്ലത്’ മാത്രമായാണ് കാണാൻ കഴിയുന്നതെന്നും രാഹുൽ പറഞ്ഞു. ട്വിറ്ററിലായിരുന്നു കേന്ദ്രത്തിനെതിരായ രാഹുലിന്റെ വിമർശനം.
Modi Govt’s ‘well-planned fight’ against Covid has put India in an abyss of:
1. Historic GDP reduction of 24%
2. 12 crore jobs lost
3. 15.5 lac crores additional stressed loans
4. Globally highest daily Covid cases & deaths.But for GOI & media ‘sab changa si’.
— Rahul Gandhi (@RahulGandhi) September 12, 2020
പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ രാജ്യം മഹാമാരിക്ക് എതിരെ ‘ആസൂത്രിതമായ പോരാട്ടം’ നടത്തുകയാണ് എന്നായിരുന്നു അമിത് ഷാ പറഞ്ഞത്. കൊറോണ വൈറസ് അഭൂതപൂർവമായ വെല്ലുവിളിയാണെന്നും എന്നാൽ മോദിയുടെ നേതൃത്വത്തിൽ ആസൂത്രിതമായ രീതിയിലാണ് തങ്ങൾ ഇതിനെതിരെ പോരാടുന്നതെന്നും ലോകം മുഴുവൻ തങ്ങളുടെ ശ്രമങ്ങളെ അംഗീകരിച്ചിട്ടുണ്ടെന്നും ആയിരുന്നു അമിത് ഷാ വ്യാഴാഴ്ച പറഞ്ഞത്.
