സംസ്‌ഥാനത്ത് ഇടത് മുന്നണിയുടെ ഭരണ തുടർച്ചക്ക് ബിജെപി ശ്രമിക്കുന്നു; ചെന്നിത്തല

By Team Member, Malabar News
ramesh chennithala
Ramesh Chennithala

തിരുവനന്തപുരം : സംസ്‌ഥാനത്ത് ഇത്തവണത്തെ തിരഞ്ഞെടുപ്പിൽ ഇടത് മുന്നണിക്ക് തുടർഭരണം ഉറപ്പാക്കാൻ ബിജെപി എല്ലാവിധ ശ്രമങ്ങളും നടത്തുന്നുണ്ടെന്ന ആരോപണവുമായി പ്രതിപക്ഷ നേതാവ് രമേശ് ചെന്നിത്തല. രണ്ട് പാർട്ടികളിലെയും സ്‌ഥാനാർഥികളെ പരിശോധിച്ചാൽ ഇക്കാര്യം വ്യക്‌തമാകുമെന്നും അദ്ദേഹം പറഞ്ഞു. കൂടാതെ  ബിജെപിയും സിപിഐഎമ്മും തമ്മില്‍ തിരഞ്ഞെടുപ്പില്‍ ഡീല്‍ ഉണ്ടാക്കിയെന്ന ബാലശങ്കറിന്റെ പ്രസ്‌താവന അതീവ ഗൗരവമുള്ളതാണെന്നും, കോണ്‍ഗ്രസ് ഉന്നയിച്ച കാര്യങ്ങളാണ് ബാലശങ്കര്‍ ശരി വെച്ചിരിക്കുതെന്നും അദ്ദേഹം വ്യക്‌തമാക്കി.

സീറ്റ് കിട്ടാത്ത ഒരാള്‍ തനിക്കുണ്ടായ നിരാശയില്‍ നിന്ന് പറയുന്ന ഒരു കാര്യമായി ബാലശങ്കറിന്റെ പ്രസ്‍താവനയെ നിസാരവൽകരിക്കാന്‍ കഴിയുന്നതല്ലെന്നും, ഈ അവിശുദ്ധമായ കൂട്ടുകെട്ട് മൂടിവെക്കുന്നതിനായാണ് കേരള മുഖ്യമന്ത്രിയും മറ്റ് മന്ത്രിമാരും ആരോപണങ്ങള്‍ ഉന്നയിക്കുന്നതെന്നും ചെന്നിത്തല പറഞ്ഞു. കേരളത്തിൽ വോട്ട് കച്ചവടം വ്യാപകമാണെന്നും, എത്ര സീറ്റുകളിൽ ബിജെപിയെ വിജയിപ്പിക്കാമെന്ന് സിപിഐഎമ്മും, എത്ര സീറ്റുകളിൽ സിപിഐഎമ്മിനെ വിജയിപ്പിക്കാമെന്ന് ബിജെപിയും കാരാർ ഏറ്റെടുത്തിട്ടുണ്ടെന്ന് മുഖ്യമന്ത്രിയും, ബിജെപി സംസ്‌ഥാന അധ്യക്ഷൻ കെ സുരേന്ദ്രനും വ്യക്‌തമാക്കണമെന്ന് ചെന്നിത്തല പറഞ്ഞു.

ബിജെപിയുമായി കൂട്ടുകച്ചവടം ഉറപ്പിച്ച ശേഷമാണ് മതേതരത്വത്തെ പറ്റി മുഖ്യമന്ത്രി പറയുന്നതെന്നും, യുഡിഎഫിനെ എങ്ങനെയെങ്കിലും തറപറ്റിച്ച് ഒരിക്കല്‍ കൂടി ആ കസേരയില്‍ തുടരുകയെന്നതാണ് പിണറായി വിജയന്റെയും സിപിഐഎമ്മിന്റെയും ലക്ഷ്യമെന്നും ചെന്നിത്തല ആരോപിച്ചു. ബിജെപിയും സിപിഐഎമ്മും തമ്മിലുള്ള വോട്ട് കച്ചവടത്തിലൂടെ ഇടതുമുന്നണിക്ക് ഭരണതുടര്‍ച്ച നേടാമെന്നും, ബിജെപിക്ക് കൂടുതല്‍ സീറ്റുകള്‍ നേടാമെന്നുമാണ് ചെന്നിത്തല ആരോപണം ഉന്നയിച്ചത്.

Read also : ഓലപാമ്പ് കാട്ടി പേടിപ്പിക്കേണ്ട, മുല്ലപ്പള്ളിയെ വെല്ലുവിളിക്കുന്നു; ലതികാ സുഭാഷ്

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE