കൊച്ചി: തനിക്കെതിരെ പാർട്ടിയിൽ ഒരു പടയൊരുക്കവും ഇല്ലെന്നും പാർട്ടി പറഞ്ഞാൽ മൽസരിക്കാൻ തയാറാണെന്നും എകെ ശശീന്ദ്രൻ. മാണി സി കാപ്പനെ പോലെ മണ്ഡലം തന്റേതാണെന്ന നിർബന്ധ ബുദ്ധി തനിക്കില്ലെന്നും ശശീന്ദ്രൻ പറഞ്ഞു.
എന്നാൽ, എട്ടുതവണ മൽസരിച്ച എകെ ശശീന്ദ്രൻ പുതുമുഖങ്ങൾക്കായി മാറിനിൽക്കണം എന്ന ആവശ്യം ഒരു വിഭാഗം മുന്നോട്ട് വച്ചുവെന്നും റിപ്പോർട്ടുണ്ട്. ഇക്കാര്യത്തിൽ സിപിഐഎം-സിപിഐ നയം എകെ ശശീന്ദ്രൻ മാതൃകയാക്കണം എന്നാണ് ആവശ്യം.
ഇന്ന് കൊച്ചിയിൽ ചേരുന്ന സംസ്ഥാന നേതൃയോഗത്തിൽ ഈ വിഷയം വിശദമായി ചർച്ച ചെയ്യുമെന്നാണ് സൂചന. മാണി സി കാപ്പൻ പാർട്ടി വിട്ടതും, തിരഞ്ഞെടുപ്പ് മുന്നൊരുക്കങ്ങളും യോഗത്തിൽ ചർച്ചയാകും.
Read also: മന്ത്രിമാരുടെ പേരില് തട്ടിപ്പ് നടത്തിയിട്ടും സരിതക്ക് സംരക്ഷണം; തൊടാതെ പോലീസും സര്ക്കാരും