ലക്നൗ: പൗരത്വ നിയമ ഭേദഗതിക്കെതിരെയുള്ള സമരത്തിൽ പൊതുമുതല് നശിപ്പിച്ചവരില് നിന്ന് ഉത്തര്പ്രദേശ് സര്ക്കാര് ഈടാക്കിയ 22.4 ലക്ഷം രൂപ തിരികെ നല്കും. സിഎഎ വിരുദ്ധ പ്രക്ഷോഭകരില് നിന്ന് ഈടാക്കിയ പണം തിരിച്ചടയ്ക്കാന് സംസ്ഥാന സര്ക്കാരിനോട് സുപ്രീം കോടതി ആവശ്യപ്പെട്ടതിന് പിന്നാലെയാണ് നടപടി.
സമരത്തിനിടെ പൊതുമുതല് നശിപ്പിച്ചതിന് 875 പേര്ക്കെതിരെ റിക്കവറി നോട്ടിസ് പുറപ്പെടുവിച്ചിരുന്നു. രണ്ട് കോടി രൂപ നഷ്ടപരിഹാരമായി നല്കണമെന്ന് ആവശ്യപ്പെട്ടാണ് നോട്ടീസ് നല്കിയത്. സിഎഎ പ്രതിഷേധത്തിനിടെ 1.9 കോടി രൂപയുടെ നഷ്ടമാണ് ഉണ്ടായതെന്നാണ് റിപ്പോർട്.
തുടര്ന്ന് 875 കേസുകളില് പോലീസ് റിക്കവറി നോട്ടീസ് അയച്ചു. 73 കേസുകളില് കൂടി നോട്ടീസ് നല്കാനിരിക്കെയാണ് സുപ്രീം കോടതി വിധി വന്നത്. നോട്ടീസ് അയച്ചവരില് നിന്ന് 22.4 ലക്ഷം രൂപയാണ് ഇതുവരെ പിടിച്ചെടുത്തതെന്ന് മുതിര്ന്ന പോലീസ് ഉദ്യോഗസ്ഥന് പറഞ്ഞു.
800ലധികം പേര്ക്കെതിരെ നല്കിയ നോട്ടീസ് സുപ്രീം കോടതി ഉത്തരവ് വന്നതോടെ പിന്വലിക്കുമെന്നും അദ്ദേഹം കൂട്ടിച്ചേര്ത്തു. ലക്നൗ, മീററ്റ്, മുസാഫര്നഗര്, രാംപൂര്, സംഭാല്, മൊറാദാബാദ് എന്നിവിടങ്ങളിലാണ് കൂടുതല് റിക്കവറി നോട്ടീസ് അയച്ചിരുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
