തിരുവനന്തപുരം: സംസ്ഥാനത്ത് കോവിഡ് വ്യാപനത്തിൽ ആശ്വാസം. ടെസ്റ്റ് പോസിറ്റിവിറ്റി നിരക്കിലും പ്രതിദിന കേസുകളിലും കുറവ് രേഖപ്പെടുത്തി. കുതിച്ചുയര്ന്ന കോവിഡ് ഗ്രാഫ് താഴുകയാണ്. ശരാശരി 13 ശതമാനം പേര് മാത്രമാണ് കഴിഞ്ഞ ആഴ്ച ചികിൽസ തേടിയത്.
ഡബ്ള്യൂഐപിആര് എട്ടിന് മുകളിലുള്ള പ്രദേശങ്ങളില് കര്ശന നിയന്ത്രണം ഏര്പ്പെടുത്തിയിട്ടുണ്ട്. നേരത്തെ ഇത് ഏഴായിരുന്നു. ആര്ടിപിസിആര് പരിശോധന വ്യാപിപ്പിക്കും. അവശ്യഘട്ടത്തില് മാത്രമാകും ആന്റിജൻ പരിശോധന നടത്തുക. ഹോം ക്വാറന്റെയ്ൻ കര്ശനമായി നിരീക്ഷിക്കണമെന്നാണ് സര്ക്കാര് നിർദ്ദേശം. പോലീസ് പരിശോധനയും കര്ശനമാക്കും.
അതേസമയം, ഇന്നലെ 6,44,030 പേർക്കാണ് വാക്സിൻ നൽകിയത്. സംസ്ഥാനത്ത് ഇതുവരെ ആകെ ഒന്നും രണ്ടും ഡോസ് ഉള്പ്പടെ 3,14,17,773 ഡോസ് വാക്സിനാണ് നല്കിയത്. അതില് 2,26,24,309 പേര്ക്ക് ഒന്നാം ഡോസ് വാക്സിനും 87,93,464 പേര്ക്ക് രണ്ടാം ഡോസ് വാക്സിനുമാണ് നല്കിയത്.
Also Read: സിന്ധുവിന്റെ കൊലപാതകം; തെളിവുകൾ തേടി അന്വേഷണസംഘം