ബത്തേരി: ഇന്ന് റീപോളിംഗ് നടന്ന വയനാട് സുൽത്താൻ ബത്തേരി നഗരസഭയിലെ പത്തൊൻപതാം ഡിവിഷൻ തൊടുവട്ടിയിൽ മികച്ച പോളിംഗ് .വൈകുന്നേരം അഞ്ച് മണി വരെ 75.75 ശതമാനം പോളിംഗാണ് രേഖപ്പെടുത്തിയത്. യന്ത്രത്തകരാർ കാരണം വോട്ടെണ്ണൽ തടസപ്പെട്ട വാർഡിലാണ് റീപോളിംഗ് നടന്നത്. ഇന്ന് രാത്രി എട്ടുമണിക്ക് ബാലറ്റ് പെട്ടികൾ നഗരസഭ ഓഫീസിൽ വെച്ച് വോട്ടെണ്ണി ഫല പ്രഖ്യാപനം നടക്കും.
നിലവിൽ ബത്തേരി നഗരസഭയിൽ എൽഡിഎഫിന് 23ഉം യുഡിഎഫിന് 10ഉം സീറ്റുകളുണ്ട്. ഒരു സ്വതന്ത്രയും തെരഞ്ഞെടുക്കപ്പെട്ടിട്ടുണ്ട്. യുഡിഎഫിലെ അസീസ് മാടാല, എൽഡിഎഫിലെ പിഎം ബീരാൻ, ബിജെപിയിലെ സുദിൻ എന്നിവരാണ് തൊടുവട്ടി ഡിവിഷനിലെ സ്‌ഥാനാർഥികൾ. യുഡിഎഫ് സിറ്റിംഗ് സീറ്റായ തൊടുവട്ടിയിൽ 1079 വോട്ടർമാരാണ് ഉള്ളത്.
Read Also: കരിപ്പൂരില്‍ മൂന്നരക്കോടിയില്‍ അധികം രൂപയുടെ സ്വര്‍ണ്ണവേട്ട; 5 പേര്‍ അറസ്‌റ്റില്‍
