കൊച്ചി: ഒരു ദിവസത്തെ ഇടവേളക്ക് ശേഷം സംസ്ഥാനത്ത് സ്വർണവിലയിൽ വീണ്ടും വർധന. വ്യാഴാഴ്ച 120 രൂപയാണ് സ്വർണം പവന് കൂടിയത്. ഇതോടെ പവന്റെ വില 36,480 രൂപയായി. ഗ്രാമിന് 15 രൂപ വർധിച്ച് 4,560 രൂപയുമായി. രണ്ടുദിവസമായി സ്വർണവിലയിൽ മാറ്റമുണ്ടായിരുന്നില്ല. 36,360 രൂപയായിരുന്നു ഇന്നലെ സ്വർണം പവന്റെ വില.
അന്തർദേശീയ വിപണിയിൽ സ്വർണവിലയിൽ കാര്യമായ വ്യതിയാനമുണ്ടായില്ല. ഔൺസിന് 1,869.50 ഡോളർ നിലവാരത്തിലാണ് വില. ഡോളർ കരുത്താർജിച്ചതും യുഎസ് ട്രഷറി ആദായം 1.66 ശതമാനമായി വർധിച്ചതുമാണ് ഇതിന് കാരണം. അതേസമയം, രാജ്യത്തെ കമ്മോഡിറ്റി വിപണിയായ എംസിഎക്സിൽ ഗോൾഡ് ഫ്യൂച്ചേഴ്സ് വില 0.32 ശതമാനം താഴ്ന്ന് 10 ഗ്രാമിന് 48,520 രൂപയിലെത്തി.
Read also: കോവിഡ് പരിശോധന ഇനി സ്വയം ചെയ്യാം; ആന്റിജന് ടെസ്റ്റ് കിറ്റിന് ഐസിഎംആര് അംഗീകാരം