പാലക്കാട്: ജില്ലയിലെ ചിറ്റൂരിൽ ആർഎസ്എസ്-ബിജെപി സംഘർഷത്തിൽ ബിജെപി പ്രാദേശിക നേതാവിന് വെട്ടേറ്റു. നല്ലേപ്പിള്ളി പഞ്ചായത്തിലെ കൊറ്റമംഗലം ഒഴിവുപാറ സ്വദേശി വിനോദിനാണ് വെട്ടേറ്റത്. ബിജെപിയുടെ പഞ്ചായത്ത് ചുമതലയുള്ള നേതാവാണ് വിനോദ്. വർഷങ്ങളായി ആർഎസ്എസ്- ബിജെപി ഭിന്നത നിലനിൽക്കുന്ന പ്രദേശമാണ് ചിറ്റൂർ.
സംഭവവുമായി ബന്ധപ്പെട്ട് ഒലുവപ്പാറ സ്വദേശികളായ സുജിത്ത്, സിജിൻ, മോഹനൻ, അനീഷ് എന്നിവർക്കെതിരെ കൊഴിഞ്ഞാമ്പാറ പൊലീസ് കേസെടുത്തു. ശനിയാഴ്ച രാത്രി ഒഴിവു പാറ ജംഗ്ഷന് സമീപം നിൽക്കുകയായിരുന്ന വിനോദിനെയും സുഹൃത്ത് വിഘ്നേഷിനെയും കാറിടിക്കാൻ ശ്രമിച്ചത് ചോദ്യം ചോദ്യം ചെയ്തതിനെ തുടർന്നാണ് സംഘർഷമുണ്ടായത്. കാറിലുണ്ടായിരുന്നവർ ഇരുവരെയും ഇരുമ്പുവടി ഉപയോഗിച്ച് മർദ്ദിക്കുകയായിരുന്നു.
Read also: കരുവന്നൂര് ബാങ്ക് തട്ടിപ്പ്; പ്രതികളെ സിപിഐഎം പുറത്താക്കിയേക്കും