തിരുവനന്തപുരം: ശമ്പള പരിഷ്‌കരണത്തിലെ അവഗണനക്ക് എതിരെ സർക്കാർ ഡോക്‌ടർമാരുടെ സംഘടനയായ കെജിഎംഒഎ ആഹ്വാനം ചെയ്‌ത പ്രത്യക്ഷ സമര പരിപാടികൾക്ക് ഇന്ന് തുടക്കം. ഗാന്ധി ജയന്തി ദിനമായ ഇന്ന് ഡോക്‌ടർമാർ സെക്രട്ടറിയേറ്റിന് മുന്നിൽ ഉപവാസ ധർണ നടത്തും.
കെജിഎംഒഎ സംസ്‌ഥാന പ്രസിഡണ്ട് ഡോ. ജിഎസ് വിജയകൃഷ്‌ണൻ ധർണ ഉൽഘാടനം ചെയ്യും. കോവിഡ് മാനദണ്ഡങ്ങൾ പാലിച്ചാണ് സമരം. തുടർ സമരപരിപാടികളുടെ ഭാഗമായി ഈ മാസം നാല് മുതൽ നിസ്സഹകരണ പ്രതിഷേധ സമരവും ആരംഭിക്കും.
പതിനൊന്നാം ശമ്പള പരിഷ്‌കരണത്തിൽ ആനുപാതിക വർധന നൽകിയില്ല, നിലവിലെ ആനുകൂല്യങ്ങൾ പലതും ഇല്ലാതാക്കി, എൻട്രി കേഡറിലെ ഡോക്‌ടർമാരുടെ അടിസ്‌ഥാന ശമ്പളം വെട്ടിക്കുറച്ചു എന്നീ ആരോപണങ്ങളാണ് കെജിഎംഒഎ ഉന്നയിക്കുന്നത്. ഇക്കാര്യങ്ങൾ ചൂണ്ടിക്കാട്ടി സൂചനാ സമരങ്ങൾ നടത്തിയിട്ടും സർക്കാർ അനുകൂല നിലപാട് സ്വീകരിക്കാത്തതിനെ തുടർന്നാണ് പ്രത്യക്ഷ സമരത്തിലേക്ക് ഡോക്‌ടർമാർ കടന്നത്.
Most Read: കോവിഷീൽഡ് എടുത്തവർക്ക് ക്വാറന്റെയ്ൻ വേണ്ട; ഓസ്ട്രേലിയയിൽ പ്രവേശനാനുമതി
