പാലക്കാട്: ജില്ലയിലെ വിവിധ പ്രദേശങ്ങളിൽ എസ്‌ഡിപിഐ ഓഫിസുകളിൽ പോലീസ് റെയ്‌ഡ്‌ നടത്തി. ആർഎസ്എസ് പ്രവർത്തകനായ സഞ്‌ജിത്തിന്റെ കൊലപാതകവുമായി ബന്ധപ്പെട്ടാണ് റെയ്‌ഡ്‌. നെൻമാറ, ചെർപ്പുളശ്ശേരി, ഷൊർണൂർ, പുതുനഗരം, അത്തിക്കോട് എന്നിവിടങ്ങളിലെ ഓഫിസുകളിലാണ് റെയ്‌ഡ്‌ നടത്തിയത്.
കൊലപാതകത്തിൽ എട്ട് പ്രതികൾക്കെതിരെയാണ് പോലീസ് കേസെടുത്തിരിക്കുന്നത്. ഇതിൽ മൂന്നുപേരെ മാത്രമാണ് അറസ്‌റ്റ് ചെയ്യാനായത്. കേസിൽ ഗൂഢാലോചന സംബന്ധിച്ച തെളിവുകൾ ശേഖരിക്കാനാണ് റെയ്‌ഡ്‌ നടത്തിയത്. റെയ്‌ഡ്‌ നടക്കുമ്പോൾ എസ്‌ഡിപിഐ പ്രവർത്തകർ ഓഫിസിലുണ്ടായിരുന്നു.
നവംബർ 15ന് രാവിലെ ഒമ്പതു മണിയോടെയാണ് ആർഎസ്എസ് പ്രവർത്തകനായ എലപ്പുള്ളി സ്വദേശി സഞ്‌ജിത്തിനെ ഒരു സംഘം ആളുകൾ വെട്ടിക്കൊലപ്പെടുത്തിയത്.
Read Also: ലഹരി മരുന്നുമായി സിനിമാതാരം പിടിയില്‍
