തിരുവനന്തപുരം: കോവിഡ് വ്യാപനം രൂക്ഷമാകുന്നതിന്റെ പശ്‌ചാത്തലാത്തിൽ സംസ്‌ഥാനത്തെ സ്‌കൂളുകൾ തുറക്കുന്നതിൽ അവ്യക്‌തത. ജൂണിൽ സ്‌കൂളുകൾ തുറന്നേക്കില്ല എന്നാണ് വിവരം. പുതിയ സർക്കാർ വന്നതിന് ശേഷം അന്തിമ തീരുമാനം എടുക്കട്ടെയെന്നാണ് വിദ്യാഭ്യാസ വകുപ്പിന്റെ നിലപാട്.
നിലവിലെ സാഹചര്യത്തിൽ പുതിയ അധ്യായന വർഷം ആരംഭിക്കുമ്പോഴും ഓൺലൈൻ ക്‌ളാസുകൾ തുടരാനാണ് സാധ്യത. അതേസമയം, സംസ്‌ഥാനത്ത്‌ കോവിഡിന്റെ രണ്ടാം തരംഗമാണെന്ന് വിദഗ്‌ധ സമിതി സ്‌ഥിരീകരിച്ചു. പടർന്ന് പിടിക്കുന്നത് ജനിതക മാറ്റം വന്ന വൈറസ് ആണോയെന്നും സംശയമുണ്ട്. ജനിതക വ്യതിയാനം പരിശോധിക്കാൻ ജില്ലകളിൽ നിന്നുള്ള സാമ്പിളുകൾ ഡെൽഹിയിലേക്ക് അയച്ചിട്ടുണ്ട്.
Also Read: ലോക്ക്ഡൗണില്ല; പ്രാദേശിക നിയന്ത്രണങ്ങൾ കർശനമാക്കും; ആരോഗ്യവകുപ്പ്
