എസ്‌വൈഎസ്‌ കരുളായി സർക്കിൾ 'പ്രയാണം' കേരള മുസ്‌ലിം ജമാഅത്ത് നിലമ്പൂർ സോൺ ജനറൽ സെക്രട്ടറി ശൗകത്ത് സഖാഫി ഉൽഘാടനം നിർവഹിക്കുന്നു
മലപ്പുറം: കക്ഷി രാഷ്‌ട്രീയ ചിന്തകൾക്കതീതമായി നേരിനെയും സേവന മനസ്‌ഥിതിയെയും മുൻ നിറുത്തിയുള്ള രാഷ്‌ട്രീയ പ്രവർത്തനങ്ങൾക്ക് മാത്രമേ രാജ്യത്തെ യഥാർഥ പുരോഗതിയിലേക്ക് നയിക്കാൻ കഴിയൂ എന്ന് എം അബ്‌ദുറഹ്‌മാൻ മാസ്‌റ്റർ.
എസ്‌വൈഎസ്‌ മലപ്പുറം ഈസ്‌റ്റ് ജില്ലാ കമ്മിറ്റിക്ക് കീഴില്‍ നടന്നുവരുന്ന ‘ജില്ലാ പ്രയാണത്തിന്’ മൈലമ്പാറയിൽ നൽകിയ സ്വീകരണ സംഗമത്തിൽ വിഷയമവതരിപിച്ച് സംസാരിക്കുകയായിരുന്നു ഇദ്ദേഹം. യുവത്വം സേവന രാഷ്‌ട്രീയം കൊണ്ട് സജീവമാകണമന്നും കേരളത്തിൽ നടന്ന രാഷ്‌ട്രീയ കൊലപാതകങ്ങൾ പ്രബുദ്ധ കേരളത്തിന് അപമാനമാണെന്നും അബ്‌ദുറഹ്‌മാൻ മാസ്‌റ്റർ പറഞ്ഞു.
കേരള മുസ്‌ലിം ജമാഅത്ത് നിലമ്പൂർ സോൺ ജനറൽ സെക്രട്ടറി ശൗകത്തലി സഖാഫി സ്വീകരണ സംഗമം ഉൽഘാടനം ചെയ്‌തു. ജില്ലാ കമ്മറ്റിക്ക് കീഴിലുള്ള ലൈബ്രറിയിലേക്ക് സർക്കിൾ കമ്മറ്റി ഉപഹാരമായി നൽകുന്ന പുസ്‌തകങ്ങളുടെ സമർപ്പണവും സംഗമത്തിൽ നടന്നു.
എസ്‌വൈഎസ്‌ മലപ്പുറം ഈസ്ററ് ജില്ലാ സെക്രട്ടറി സിദ്ധീഖ് സഖാഫി വഴിക്കടവ് ‘മാതൃകാ പ്രവർത്തകൻ’ പഠന സംഗമത്തിന് നേതൃത്വം നൽകി. സികെ നാസർ മുസ്‌ലിയാർ, സ്വഫ്‌വാൻ അസ്ഹരി കൂറ്റമ്പാറ, അലവിക്കുട്ടി സഖാഫി പൊട്ടിക്കല്ല് , ജമാലുദ്ധീൻ അസ്ഹരി, ശിഹാബ് സിദ്ധീഖി തുടങ്ങിയവർ സംഗമത്തിൽ സംസാരിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
