കോഴിക്കോട് : ജില്ലയിൽ കോവിഡ് വ്യാപനം തടയുന്നതിന്റെ ഭാഗമായി ജില്ലാ ഭരണകൂടം ഏർപ്പെടുത്തിയ നിയന്ത്രണങ്ങൾ ലംഘിച്ചുകൊണ്ട് തുറന്ന കടകൾ പോലീസെത്തി അടപ്പിച്ചു. കർശന താക്കീത് നൽകിയാണ് കടകൾ അടപ്പിച്ചത്. ഒപ്പം തന്നെ ഞായറാഴ്‌ചകളിൽ മാത്രം എത്തുന്ന വഴിയോര കച്ചവടക്കാരെയും പോലീസ് ഒഴിപ്പിച്ചു. നിയന്ത്രണങ്ങളെ തുടർന്ന് തുറക്കാത്ത കടകൾക്ക് മുന്നിലാണ് ഇവരിൽ ഭൂരിഭാഗം ആളുകളും കച്ചവടം നടത്തിയത്.
അവശ്യ സാധനങ്ങൾ വിൽക്കുന്നവ ഒഴികെ മറ്റ് കടകൾ ഒന്നും തന്നെ തുറക്കാൻ പാടില്ലെന്നാണ് ജില്ലാ ഭരണകൂടം നിർദേശം നൽകിയത്. കടകൾ തുറക്കാത്തത് മൂലം നിരത്തിൽ ആളുകളും പൊതുവെ കുറവായിരുന്നു. എസ്ഐ കെഎസ് ജെയിന്റെ നേതൃത്വത്തിലായിരുന്നു കടകൾ അടപ്പിക്കൽ നടപടി നടന്നത്. കൂടാതെ പൊതുഗതാഗതം സാധാരണ ഗതിയിൽ ആയെങ്കിലും കോവിഡ് നിയന്ത്രണങ്ങൾ നിലനിൽക്കുന്ന സാഹചര്യത്തിൽ യാത്രക്കാരും പൊതുവെ കുറവായിരുന്നു.
Read also : കോവിഡ്; പരിശോധനയിലും വാക്‌സിനേഷനിലും കേരളം വീഴ്‌ച വരുത്തിയെന്ന് വി മുരളീധരൻ
