തിരുവനന്തപുരം: തലസ്ഥാനത്ത് മകൻ അച്ഛനെ അടിച്ചുകൊന്നു. നേമം സ്വദേശി ഏലിയാസി(80)നെയാണ് മകൻ ക്ളീറ്റസ് കൊലപ്പെടുത്തിയത്. പ്രതിയെ പോലീസ് അറസ്റ്റ് ചെയ്തു.
ഇന്നലെ രാത്രിയാണ് നാടിനെ നടുക്കിയ സംഭവം ഉണ്ടായത്. മദ്യപിച്ചെത്തിയ ക്ളീറ്റസ് ഏലിയാസുമായി വഴക്കുണ്ടാക്കുകയും പിന്നാലെ മർദിക്കുകയുമായിരുന്നു. നാട്ടുകാർ ചേർന്നാണ് പരിക്കേറ്റ ഏലിയാസിനെ ആശുപത്രിയിൽ എത്തിച്ചത്.
അതേസമയം മദ്യ ലഹരിയിലുണ്ടായ കൊലപാതകമാണെന്നും ക്ളീറ്റസ് സ്ഥിരം മദ്യപാനിയാണെന്നും പോലീസ് പറഞ്ഞു. പോസ്റ്റുമോർട്ടം റിപ്പോർട് ലഭിച്ചാൽ മാത്രമേ കൂടുതൽ വിവരങ്ങൾ ലഭ്യമാകൂ എന്നും പോലീസ് വ്യക്തമാക്കി.
Most Read: ഇന്ധനവില വർധനവ്; നവംബർ 11ന് കോൺഗ്രസിന്റെ ചക്രസ്തംഭന സമരം