നീതി ആയോഗ് അംഗം ഡോക്‌ടര്‍ വികെ പോള്‍ വാക്‌സിന്‍ പരീക്ഷണം ഈയാഴ്‌ച ആരംഭിക്കുമെന്ന് ചൊവ്വാഴ്‌ച സ്‌ഥിരീകരിച്ചിരുന്നു. പരീക്ഷണത്തിന്റെ രണ്ട്, മൂന്ന് ഘട്ടങ്ങള്‍ സംയുക്‌തമായാണ് നടത്തുകയെന്നും അദ്ദേഹം അറിയിച്ചു.
അതേസമയം സ്ഫുട്നിക്-വി അടിയന്തര പ്രതിരോധ മരുന്നായി ആഗോളതലത്തില്‍ ഉപയോഗിക്കാനുള്ള ലൈസന്‍സിനായി ലോകാരോഗ്യ സംഘടനക്ക് അപേക്ഷ നല്‍കിയിരിക്കുകയാണ് റഷ്യ. കൂടാതെ ബയോളജിക്കല്‍ ഇ-വാക്‌സിനും മനുഷ്യരിലെ പരീക്ഷണത്തിനുള്ള ആദ്യഘട്ടങ്ങളിലാണ്. നിലവില്‍ അഞ്ചോളം കോവിഡ് വാക്‌സിനുകളാണ് ഇന്ത്യയില്‍ പരീക്ഷണത്തില്‍ ഉള്ളത്. ഇവയില്‍ നാലെണ്ണം പരീക്ഷണത്തിന്റെ രണ്ട്, മൂന്ന് ഘട്ടങ്ങളിലാണുള്ളത്.
മോസ്‌കോ ആസ്‌ഥാനമായ ഗമാലെയ ഇന്‍സ്‌റ്റിറ്റ്യൂട്ട് വികസിപ്പിച്ചെടുത്ത സ്ഫുട്നിക്-വി വാക്‌സിന്റെ പരീക്ഷണത്തിന്റേയും വിതരണത്തിന്റേയും കരാര്‍ ഹൈദരാബാദിലെ ബഹുരാഷ്‌ട്ര മരുന്നു നിര്‍മാണ കമ്പനിയായ ഡോ. റെഡ്ഡീസ് ലാബോറട്ടറീസിനാണ്. 100 ദശലക്ഷം ഡോസ് വാക്‌സിന്‍ ഡോ. റെഡ്ഡീസ് ലബോറട്ടറീസിന് ആര്‍ഡിഐഎഫ് നല്‍കും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
