പാറ്റ്ന: മുംബൈയില്‍ മരിച്ച നിലയില്‍ കണ്ടെത്തിയ ബോളിവുഡ് നടന്‍ സുശാന്ത് സിംഗ് രജ്പുതിന്റെ മരണത്തിന് പിന്നില്‍ കോണ്‍ഗ്രസിന്റെ കരങ്ങളെന്ന് ബി ജെ പി നേതാവ് മനോജ് തിവാരി. ബിഹാറിലെ ബങ്കയില്‍ തെരഞ്ഞെടുപ്പ് പ്രചാരണ പരിപാടിക്കിടെയാണ് അദ്ദേഹത്തിന്റെ പരാമര്‍ശം
‘സുശാന്തിന്റെ കൊലപാതകത്തിന് പിന്നില്‍ കോണ്‍ഗ്രസിന്റെ കരങ്ങളുണ്ട്. മുഖ്യമന്ത്രി നിതീഷ് കുമാറിന്റെ ശക്‌തമായ ഇടപെടലുകളാണ് കേസില്‍ വേഗം എഫ്ഐആര് രജിസ്‌റ്റര്‍ ചെയ്യാന്‍ സഹായിച്ചത്’, മനോജ് തിവാരി പറഞ്ഞു.
ജൂണ്‍ 14നാണ് സുശാന്ത് സിംഗ് രജ്പുതിനെ മുബൈയിലെ വീട്ടില്‍ മരിച്ചനിലയില്‍ കണ്ടെത്തിയത്. സുശാന്ത് ആത്‍മഹത്യ ചെയ്‌തതാണ് എന്നായിരുന്നു മുംബൈ പൊലീസിന്റെ കണ്ടെത്തല്‍. നിലവില്‍ സി ബി ഐ ആണ് കേസ് അന്വേഷണം ഏറ്റെടുത്തിരിക്കുന്നത്. മരണത്തില്‍ ദുരൂഹത ആരോപിച്ച് സുശാന്തിന്റെ പിതാവ് ബിഹാര്‍ പൊലീസില്‍ പരാതി നല്‍കിയിരുന്നു. തുടര്‍ന്ന് സുശാന്തിന്റെ സുഹൃത്തായ റിയ ചക്രബര്‍ത്തിക്കെതിരെ എഫ്ഐആര് രജിസ്‌റ്റര്‍ ചെയ്‌ത്‌ അന്വേഷണം ആരംഭിച്ചിരുന്നു.
Read also: പോലീസിനിടയില്‍ അസംതൃപ്തി ഉണ്ടാക്കുന്നു; റിപ്പബ്‌ളിക് ടിവിക്കെതിരെ എഫ്ഐആര്
