നന്ദിഗ്രാമിലെ വോട്ടർ പട്ടികയിൽ നിന്ന് സുവേന്ദു അധികാരിയുടെ പേര് നീക്കണം; തൃണമൂൽ

By Trainee Reporter, Malabar News
suvendu-adhikari
സുവേന്ദു അധികാരി

കൊൽക്കത്ത: ബിജെപി നേതാവും സ്‌ഥാനാർഥിയുമായ സുവേന്ദു അധികാരിയുടെ പേര് നന്ദിഗ്രാമിലെ വോട്ടർ പട്ടികയിൽ നിന്ന് നീക്കണമെന്ന ആവശ്യവുമായി തൃണമൂൽ കോൺഗ്രസ്. ആവശ്യം ഉന്നയിച്ച് തൃണമൂൽ പ്രവർത്തകർ തിരഞ്ഞെടുപ്പ് കമ്മീഷനെ സമീപിച്ചു. സുവേന്ദു അധികാരി നന്ദിഗ്രാമിലെ സ്‌ഥിര താമസക്കാരനല്ലെന്നും ആറുമാസമായി പ്രദേശത്ത് താമസിച്ചിട്ടില്ലെന്നും ചൂണ്ടിക്കാട്ടിയാണ് പരാതി.

തെറ്റായ വിവരങ്ങൾ നൽകിയതിന് സുവേന്ദു അധികാരിക്ക് എതിരെ ക്രിമിനൽ നടപടികൾ സ്വീകരിക്കണമെന്നും തൃണമൂൽ കോൺഗ്രസ് തിരഞ്ഞെടുപ്പ് കമ്മീഷന് അയച്ച കത്തിൽ പറയുന്നു.

തിരഞ്ഞെടുപ്പിന് തൊട്ടുമുൻപ് തൃണമൂൽ വിട്ട് ബിജെപിയിൽ ചേക്കേറിയ നേതാവാണ് സുവേന്ദു അധികാരി. മുൻ തിരഞ്ഞെടുപ്പുകളിൽ നന്ദിഗ്രാമിൽ നിന്നാണ് സുവേന്ദു തൃണമൂൽ ടിക്കറ്റിൽ നിയമസഭയിൽ എത്തിയത്. സുവേന്ദു ഇത്തവണ ബിജെപിയിൽ എത്തിയതോടെ നന്ദിഗ്രാമിൽ സുവേന്ദുവിനെ നേരിടാൻ മുഖ്യമന്ത്രി മമതാ ബാനർജിയാണ് നേരിട്ടിറങ്ങുന്നത്. മാർച്ച് 27 മുതൽ ഏപ്രിൽ 9 വരെ 8 ഘട്ടങ്ങളായാണ് ബംഗാളിൽ തിരഞ്ഞെടുപ്പ് നടക്കുന്നത്.

Read also: രാജ്യത്ത് കോവിഡിന്റെ പുതിയ തരംഗം; തടയണമെന്ന് നിർദേശം നൽകി പ്രധാനമന്ത്രി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE