'ജില്ലാ പ്രയാണത്തിന്' മക്കരപ്പറമ്പിൽ നൽകിയ സ്വീകരണ സംഗമത്തിൽ ജില്ലാ സെക്രട്ടറി പികെ മുഹമ്മദ് ശാഫി ഉൽഘാടനം നിർവഹിക്കുന്നു
മലപ്പുറം: ബഹുമുഖ പദ്ധതികൾ വിശദീകരിക്കുന്നതിന് എസ്വൈഎസ് മലപ്പുറം ഈസ്‌റ്റ് ജില്ലാകമ്മിറ്റി സർക്കിൾ തലങ്ങളിൽ സംഘടിപ്പിക്കുന്ന പ്രയാണത്തിന് മലപ്പുറം സോണിൽ തുടക്കമായി.
മക്കരപ്പറമ്പ് സർക്കിളിലെ വടക്കാങ്ങര വാദീ ബദ്റിൽ നടന്ന ആദ്യ സ്വീകരണ സംഗമം ജില്ലാ സെക്രട്ടറി ശാഫി വെങ്ങാട് ഉൽഘാടനം നിർവഹിച്ചു. സോൺ പ്രസിഡണ്ട് ദുൽഫുഖാറലി സഖാഫി മേൽമുറി അധ്യക്ഷത വഹിച്ചു. ജില്ലാ കമ്മിറ്റി അംഗം ശിഹാബുദ്ധീൻ അംജദി, സിദ്ധീഖ് മുസ്‌ലിയാർ മക്കരപറമ്പ്, ഖാലിദ് സഖാഫി സ്വലാത്ത് നഗർ, അലി മുസ്‌ലിയാർ വടക്കാങ്ങര എന്നിവർ ചടങ്ങിൽ പ്രസംഗിച്ചു.
മലപ്പുറം സർക്കിളിൽ നടന്ന സ്വീകരണ സംഗമം കേരള മുസ്‌ലിം ജമാഅത്ത് സംസ്‌ഥാന കമ്മിറ്റി അംഗം കൊന്നോല മുഹമ്മദ് ഇബ്റാഹിം ഉൽഘാടനം ചെയ്‌തു. ജില്ലാ സെക്രട്ടറി പികെ മുഹമ്മദ് ശാഫി വിഷയാവതരണം നടത്തി. എസ്വൈഎസ് സോൺ ഉപാധ്യക്ഷൻ മുസ്‌തഫ മുസ്‌ലിയാർ, സയ്യിദ് അബ്‌ദുൽ വാഹിദ് ശിഹാബ് തങ്ങൾ പാണക്കാട്, എംകെ അബ്‌ദുസ്സലാം, ഹനീഫ സഖാഫി മേൽമുറി എന്നിവർ പ്രസംഗിച്ചു.
നാളെ വെള്ളിയാഴ്‌ച വൈകുന്നേരം 4ന് മേൽമുറി പുല്ലാണിക്കോടും വൈകുന്നേരം 7ന് പൂക്കോട്ടൂർ സിഎം സെന്ററിലും പ്രയാണത്തിന് സ്വീകരണം നൽകും. ശനിയാഴ്‌ച വൈകുന്നേരം 4ന് കൂട്ടിലങ്ങാടിയിലും 7ന് കുറുവയിലും ഞായറാഴ്‌ച വൈകുന്നേരം 4ന് വെസ്ററ് കോഡൂരിലും 7ന് ഈസ്‌റ്റ് കോഡൂരിലും പ്രയാണത്തിന് സ്വീകരണം നൽകും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
