താമരശ്ശേരി: കോഴിക്കോട് താമരശ്ശേരി കട്ടിപ്പാറയിൽ പോക്സോ കേസ് പ്രതിയായ കായിക അധ്യാപകൻ പിടി മനീഷിനെ സ്കൂൾ മാനേജ്മെന്റ് സസ്പെൻഡ് ചെയ്തു. പൊതുവിദ്യാഭ്യാസ മന്ത്രി വി ശിവൻകുട്ടിയുടെ കർശന നിർദ്ദേശത്തിന് പിന്നാലെയാണ് സസ്പെൻഷൻ. മന്ത്രിയുടെ നിർദ്ദേശപ്രകാരം പൊതുവിദ്യാഭ്യാസ ഡയറക്ടർ കെ ജീവൻ ബാബു ഐഎഎസ് വിഷയത്തിൽ ഇടപെടുകയായിരുന്നു. തുടർന്ന് സ്കൂൾ മാനേജറാണ് ഇയാളെ സസ്പെൻഡ് ചെയ്തത്.
വിദ്യാർഥിനികളോട് അപമര്യാദയായി പെരുമാറുകയും ലൈംഗിക ചുവയോടെ സംസാരിക്കുകയും ചെയ്തുവെന്നാണ് മനീഷിനെതിരായ പരാതി. അധ്യാപകൻ വിദ്യാർഥിനികളോട് അസഭ്യം പറയുന്ന ശബ്ദരേഖ പുറത്ത് വന്നിരുന്നു. തുടർന്ന് മനീഷിനെ പോക്സോ ചുമത്തി അറസ്റ്റ് ചെയ്യുകയായിരുന്നു.
Also Read: കരുവന്നൂർ തട്ടിപ്പ്; തെറ്റ് മൂടിവെക്കുന്ന സംസ്കാരം സിപിഎമ്മിനില്ലെന്ന് മുഖ്യമന്ത്രി