ശ്രീനഗർ: ജമ്മു കശ്മീരിലെ നിയന്ത്രണ രേഖക്ക് സമീപമുള്ള ഉറി സെക്ടറിൽ തീവ്രവാദികളുടെ നുഴഞ്ഞുകയറ്റ ശ്രമത്തെ തുടർന്ന് ഇന്റർനെറ്റ്, മൊബൈൽ ഫോൺ സേവനങ്ങൾ നിർത്തിവച്ചതായി അധികൃതർ അറിയിച്ചു. കഴിഞ്ഞ 30 മണിക്കൂറുകളായി നുഴഞ്ഞുകയറ്റ ശ്രമങ്ങളെ ചെറുക്കുന്നതിനുള്ള പ്രവർത്തനം നടക്കുന്നുണ്ടെന്ന് സൈന്യം അറിയിച്ചു.
സുരക്ഷ ശക്തമാക്കുകയും ഒരു വലിയ പ്രദേശം സൈന്യം വളയുകയും ചെയ്തിട്ടുണ്ട്. ഈ വർഷം ഇത് രണ്ടാമത്തെ നുഴഞ്ഞുകയറ്റ ശ്രമമാണെന്ന് സൈന്യം പറയുന്നു. എന്നിരുന്നാലും, ഈ വർഷം വെടിനിർത്തൽ ലംഘനമോ അതിർത്തിക്ക് അപ്പുറത്തുനിന്നുള്ള പ്രകോപനങ്ങളോ ഉണ്ടായിട്ടില്ലെന്ന് മുതിർന്ന സൈനിക കമാൻഡർ പറഞ്ഞു.
“മുൻ വർഷങ്ങളിൽ നിന്ന് വ്യത്യസ്തമായി, ചില നുഴഞ്ഞുകയറ്റ ശ്രമങ്ങൾ നടന്നിട്ടുണ്ട്. എന്റെ അറിവ് അനുസരിച്ച്, രണ്ട് ശ്രമങ്ങൾ മാത്രമേ വിജയിച്ചിട്ടുള്ളൂ. ഒന്ന് ബന്ദിപ്പൂരിൽ നിർവീര്യമാക്കി. രണ്ടാമത്തേത് ഞങ്ങൾ തിരഞ്ഞു കൊണ്ടിരിക്കുകയാണ്,”- ലെഫ്റ്റനന്റ് ജനറൽ ഡിപി പാണ്ഡെ പറഞ്ഞു.
“ഉറിയിൽ കഴിഞ്ഞ 24 മണിക്കൂറായി തുടരുന്ന ഒരു ഓപ്പറേഷൻ ഉണ്ട്, അതിൽ നുഴഞ്ഞുകയറ്റ ശ്രമം നടന്നതായി ഞങ്ങൾക്ക് തോന്നി. ഞങ്ങൾ അവരെ തിരയുകയാണ്. അവർ ഈ ഭാഗത്താണോ അതോ ശ്രമം നടത്തി തിരിച്ചുപോയോ എന്ന് വ്യക്തമല്ല. എന്നാൽ ഞങ്ങൾ വളരെ ജാഗ്രതയോടെയാണ് നീങ്ങുന്നത്. തീവ്രവാദികളുടെ നുഴഞ്ഞുകയറ്റം ഉണ്ടായിട്ടില്ലെന്ന് ഞങ്ങൾ ഉറപ്പാക്കും,”- അദ്ദേഹം കൂട്ടിച്ചേർത്തു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
