ബംഗളൂരു: കര്‍ണാടകയിലെ ബെളഗാവിയില്‍ ഗോമൂത്ര ചാണക ഗവേഷണ കേന്ദ്രം ഒരുങ്ങുന്നു. കേശവ സ്‌മൃതി ട്രസ്റ്റ് ആണ് ബെളഗാവി നഗരത്തില്‍നിന്നു 100 കിലോമീറ്റര്‍ അകലെയുള്ള കൗജലാഗി ഗ്രാമത്തിലാണ് ഗവേഷണ കേന്ദ്രം സ്‌ഥാപിക്കുന്നത്. ആര്‍എസ്എസ് അംഗങ്ങളാണ് ട്രസ്‌റ്റിലെ പ്രധാന പ്രവര്‍ത്തകര്‍. ഗോമൂത്രത്തെക്കുറിച്ചും അത് കുടിക്കുമ്പോഴുള്ള ഫലപ്രാപ്‌തിയെക്കുറിച്ചും പഠിക്കുകയാണ്‌ കേന്ദ്രത്തിന്റെ പ്രധാന ലക്ഷ്യമെന്നാണ് അധികൃതര്‍ പറയുന്നത്.
13 ഏക്കറിലായുള്ള സ്‌ഥാപനത്തിന്റെ നിര്‍മാണം ആരംഭിച്ചിട്ടുണ്ട്. പശു കേന്ദ്രീകൃതമായ കൃഷികളായിരിക്കും പ്രധാനമായും നടക്കുക. ഗവേഷണ കേന്ദ്രം സ്ഥാപിക്കുന്നതിനായി അടിസ്‌ഥാന സൗകര്യങ്ങളാണ് ഇപ്പോൾ ഒരുക്കുന്നത്. പ്രവര്‍ത്തനരീതിയെ സംബന്ധിച്ചുള്ള കൂടുതല്‍ വിവരങ്ങള്‍ വൈകാതെ പുറത്തുവിടുമെന്നാണ് ട്രസ്റ്റ് അംഗങ്ങള്‍ മാദ്ധ്യമങ്ങളെ അറിയിച്ചിരിക്കുന്നത്.
Read also: അമർനാഥ്‌ തീർഥാടനം; ഇത്തവണ ജൂൺ 28 മുതൽ ഓഗസ്‌റ്റ് 22 വരെ
