പാലക്കാട്: ദക്ഷിണ റെയിൽവേക്ക് കീഴിലുള്ള 18 ട്രെയിനുകളിൽ കൂടി റിസർവേഷനില്ലാത്ത കോച്ചുകൾ അനുവദിച്ചു. ഇതിൽ പത്തോളം ട്രെയിനുകൾ തിരുവനന്തപുരം, പാലക്കാട് ഡിവിഷനുകളിൽ ഓടുന്നവയാണ്. ഈ മാസം 25 മുതൽ ഈ ട്രെയിനുകളിൽ ജനറൽ കോച്ചുകൾ പുനഃസ്‌ഥാപിക്കും.
സീസൺ ടിക്കറ്റുകാർക്കും തീരുമാനം ഏറെ ഗുണം ചെയ്യും. അതേസമയം ആവശ്യക്കാർ ഏറെയുള്ള മലബാർ, മാവേലി തുടങ്ങിയ ട്രെയിനുകളിൽ റിസർവേഷനില്ലാത്ത കോച്ചുകൾ പുനഃസ്‌ഥാപിച്ചിട്ടില്ല.
തിരുവനന്തപുരം, പാലക്കാട് ഡിവിഷനുകളിൽ ജനറൽ കോച്ചുകൾ പുനഃസ്‌ഥാപിക്കുന്ന ട്രെയിനുകൾ (ട്രെയിൻ നമ്പർ, ട്രെയിനിന്റെ പേര്, ജനറൽ കോച്ചുകളുടെ എണ്ണം എന്നീ ക്രമത്തിൽ):
1. 22609 മംഗളൂരു- കോയമ്പത്തൂർ ഇന്റർസിറ്റി സൂപ്പർഫാസ്‌റ്റ്- ആറ് കോച്ചുകൾ
2. 22610 കോയമ്പത്തൂർ-മംഗളൂരു ഇന്റർസിറ്റി സൂപ്പർഫാസ്‌റ്റ്- ആറ് കോച്ചുകൾ
3. 16605 മംഗളൂരു-നാഗർകോവിൽ ഏറനാട് എക്‌സ്പ്രസ്-ആറ് കോച്ചുകൾ
4. 16606 നാഗർകോവിൽ-മംഗളൂരു ഏറനാട് എക്‌സ്പ്രസ്- ആറ് കോച്ചുകൾ
5. 16791 തിരുനൽവേലി-പാലക്കാട് പാലരുവി എക്‌സ്പ്രസ്- നാല് കോച്ചുകൾ
6. 16792 പാലക്കാട്-തിരുനൽവേലി പാലരുവി എക്‌സ്പ്രസ്- നാല് കോച്ചുകൾ
7. 16649 മംഗളൂരു-നാഗർകോവിൽ പരശുറാം എക്‌സ്പ്രസ്- ആറ് കോച്ചുകൾ
8. 16650 നാഗർകോവിൽ-മംഗളൂരു- പരശുറാം എക്‌സ്പ്രസ്- ആറ് കോച്ചുകൾ
9. 16191 താംബരം-നാഗർകോവിൽ അന്ത്യോദയ സൂപ്പർഫാസ്‌റ്റ്- ആറ് കോച്ചുകൾ
10. 16192 നാഗർകോവിൽ-താംബരം അന്ത്യോദയ സൂപ്പർഫാസ്‌റ്റ്- ആറ് കോച്ചുകൾ
Read Also: മാൽക്കം എക്സ് വധം; രണ്ട് പേരെ 56 വർഷത്തിന് ശേഷം കുറ്റവിമുക്‌തരാക്കി
