കോഴിക്കോട്: കുറ്റ്യാടിയിൽ റോഡ് പണിക്കായി എത്തിച്ച മണ്ണുമാന്തി യന്ത്രം തീവെച്ച് നശിപ്പിച്ചു. കുറ്റ്യാടി കുമ്പളച്ചോലയിൽ ഇന്ന് പുലർച്ചെ നാല് മണിയോടെയാണ് സംഭവം. റോഡ് പണിക്കായി എത്തിച്ച് സൈറ്റ് ഓഫിസിന് സമീപത്തെ പറമ്പിൽ നിർത്തിയിട്ട ജെസിബിയാണ് അജ്ഞാതർ തീയിട്ട് നശിപ്പിച്ചത്.
നാദാപുരത്ത് നിന്ന് ഫയർഫോഴ്സ് എത്തിയാണ് തീ അണച്ചത്. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. സംഭവത്തിൽ ദുരൂഹത ഉണ്ടെന്നും സമഗ്ര അന്വേഷണം വേണമെന്നുമാണ് നാട്ടുകാർ ആവശ്യപ്പെടുന്നത്.
കുളങ്ങരത്ത്-നമ്പത്താംകുണ്ട്-വാളൂക്ക് വിലങ്ങാട് റോഡ് പണിക്കായി കിഫ്ബിയിൽ നിന്ന് 48 കോടി രൂപയാണ് അനുവദിച്ചത്. ഇതിന്റെ പ്രവൃത്തിക്കാണ് ജെസിബി എത്തിച്ചത്. റോഡ് പണി തൽക്കാലത്തേക്ക് നിർത്തിവെച്ചിട്ടുണ്ട്.
Most Read: മുംബൈയിൽ കോടികളുടെ കള്ളനോട്ട് പിടികൂടി; ഏഴ് പേർ അറസ്റ്റിൽ