കാഞ്ഞങ്ങാട്: ത്യാഗരാജ പുരന്ദരദാസ സംഗീതോൽസവത്തിന് ചൊവ്വാഴ്‌ച തിരിതെളിയും. രാജരാജേശ്വരി സിദ്ധിഗണേശ ക്ഷേത്രത്തിൽ വൈകീട്ട് അഞ്ചിന് ആരംഭിക്കുന്ന ആദ്യ കച്ചേരിയിൽ കാഞ്ഞങ്ങാട് ടിപി ശ്രീനിവാസ ഭാഗവതർ പാടും. എസ് നവനീത് കൃഷ്‌ണൻ(വയലിൻ), പാലക്കാട് കെ എസ് മഹേഷ് കുമാർ(മൃദംഗം), പയ്യന്നൂർ ടി ഗോവിന്ദപ്രസാദ്(മോർസിങ‌്) എന്നിവരാണ് പിന്നണിയിൽ.
ബുധനാഴ്‌ച രാവിലെ ഏഴിന് ഉഞ്ഛവൃത്തി നടക്കും. ഒമ്പതിന് അമ്പതോളം സംഗീതജ്‌ഞർ പങ്കെടുക്കുന്ന പഞ്ചരത്‌ന കീർത്തനാലാപനവും ഇതിന്റെ ഭാഗമായി ഉണ്ടാവും. പത്ത് മുതൽ നാല് വരെയാണ് സംഗീതാരാധന. വൈകീട്ട് അഞ്ചിന് സമാപനക്കച്ചേരിയിൽ മുരളീ സംഗീത് പാടും. ഗണരാജ് കാർലെയാണ് വയലിൻ വായിക്കുക. പയ്യന്നൂർ പി വി രാജൻ മൃദംഗത്തിലും ബെള്ളിക്കോത്ത് രാജീവ് ഗോപാൽ മുഖർശംഖിലും താളമിടും.
Read Also: കതിരൂരിൽ നാടൻ ബോംബ് കണ്ടെത്തി; പരിശോധന വ്യാപിപ്പിക്കുമെന്ന് പോലീസ്
