കണ്ണൂർ: ജില്ലയിൽ ഓടിക്കൊണ്ടിരുന്ന ലോറിക്ക് തീപിടിച്ചു. കണ്ണോത്തുംചാലിൽ ഇന്ന് പുലർച്ചെ 2.30ന് ആണ് സംഭവം. സംഭവത്തിൽ ആളപായമില്ല. കണ്ണൂരിൽ നിന്നുള്ള അഗ്നിരക്ഷാ സേനയും പോലീസും എത്തിയാണ് തീ അണച്ചത്.
കോഴിക്കോട് നിന്ന് കണ്ണൂരിലേക്ക് ഫാൻസി സാധനങ്ങൾ കയറ്റിവന്ന കർണാടക രജിസ്ട്രേഷനിൽ ഉള്ള ലോറിക്കാണ് തീപിടിച്ചത്. ഓടിക്കൊണ്ടിരുന്ന ലോറിയുടെ മുകൾഭാഗത്ത് നിന്ന് തീ പടരുകയായിരുന്നു. ഉടൻ വാഹനം നിർത്തി ഡ്രൈവർ പുറത്തേക്ക് ചാടി രക്ഷപെടുകയായിരുന്നു. സംഭവത്തിൽ ലോറി ഭാഗികമായും ഫാൻസി സാധനങ്ങൾ പൂർണമായും കത്തിനശിച്ചിട്ടുണ്ട്.
Most Read: തെറ്റുകാരെ എന്തിന് സംരക്ഷിക്കുന്നു; മുഖ്യമന്ത്രിയോട് വിഡി സതീശൻ