കാസർഗോഡ്: മുടങ്ങി കിടക്കുന്ന പെൻഷൻ ഓണത്തിന് മുൻപ് നൽകണമെന്ന് ആവശ്യപ്പെട്ട് എൻഡോസൾഫാൻ ബാധിതരുടെ അമ്മമാർ ഉപവാസ സമരം നടത്തി. ‘ഞങ്ങൾക്കും ഓണം ഉണ്ണണം’ എന്ന ആവശ്യം ഉന്നയിച്ചാണ് കാസർഗോഡ് ഒപ്പുമരച്ചോട്ടിൽ അമ്മമാർ പട്ടിണി സമരം നടത്തിയത്.
അഞ്ചു മാസമായി എൻഡോസൾഫാൻ ബാധിതർക്ക് പെൻഷൻ മുടങ്ങികിടക്കുകയാണ്. പട്ടികയിൽപ്പെട്ട ജില്ലയിലെ ആറായിരത്തിലധികം ദുരിതബാധിതർക്കായിരുന്നു പെൻഷൻ ലഭിച്ചുകൊണ്ടിരുന്നത്. എൻഡോസൾഫാൻ പീഡിത ജനകീയ മുന്നണിയുടെ നേതൃത്വത്തിലാണ് ഉപവാസ സമരം നടന്നത്.
സമരം കാസർഗോഡ് ബ്ളോക്ക് മെമ്പർ ജമീല അഹമ്മദ് ഉൽഘാടനം ചെയ്‌തു. നൂറുകണക്കിന് ദുരിതബാധിത കുടുംബങ്ങൾ വീടുകളിലും മറ്റു പൊതുയിടങ്ങളിലും ഉപവാസ സമരം നടത്തി. മുനീസ അമ്പലത്തറ അധ്യക്ഷത വഹിച്ചു.
Read Also: മാക്കൂട്ടം ചുരത്തിലെ പൊതുഗതാഗത നിയന്ത്രണം നീട്ടി
