പത്തനംതിട്ട : മണ്ഡലകാല പൂജകള്‍ക്കായി നട തുറന്ന ശബരിമലയില്‍ ഇന്ന് രാവിലെ മുതല്‍ ഭക്‌തര്‍ എത്തി തുടങ്ങി. കോവിഡ് വ്യാപനം നിലനില്‍ക്കുന്ന സാഹചര്യത്തില്‍ 1000 പേര്‍ക്ക് മാത്രമാണ് ദര്‍ശനം അനുവദിക്കുക. അതിനാല്‍ തന്നെ തിരക്കൊഴിഞ്ഞ നിലയിലാണ് സന്നിധാനം ഇപ്പോള്‍. തിരക്ക് അല്‍പ്പം പോലുമില്ലാത്തതിനാല്‍ ഭക്‌തര്‍ക്ക് ദര്‍ശനം നടത്തുന്നതിനും തടസങ്ങള്‍ ഒന്നും തന്നെയില്ല.
ഇന്ന് പുലര്‍ച്ചെ അഞ്ച് മണിയോടെയാണ് മേല്‍ശാന്തി നട തുറന്നത്. തുടര്‍ന്ന് ഭക്‌തരെ പ്രവേശിപ്പിച്ചു തുടങ്ങി. കോവിഡ് നെഗറ്റീവ് സര്‍ട്ടിഫിക്കറ്റ് ഇല്ലാത്ത ആളുകളെ മല കയറാന്‍ അനുവദിക്കില്ല. കോവിഡ് സാഹചര്യം കണക്കിലെടുത്ത് ഇത്തവണ ഭക്‌തര്‍ക്ക് നെയ്യഭിഷേകം ചെയ്യാനുള്ള അനുമതി ഉണ്ടായിരിക്കില്ല. എന്നാല്‍ പ്രസാദം വാങ്ങാനുള്ള സൗകര്യങ്ങള്‍ സന്നിധാനത്ത് ഒരുക്കിയിട്ടുണ്ട്.
Read also : ബ്ളാക്ക് സ്‌പോട്ടുകളില്‍ പരിശോധന കര്‍ശനമാക്കും; മോട്ടോര്‍വാഹന വകുപ്പ്
