കൂത്തുപറമ്പ്: പുഴയില് കുളിക്കാന് ഇറങ്ങിയ വിദ്യാര്ഥി മുങ്ങിമരിച്ചു. വട്ടിപ്രം മാണിക്കോത്ത് വയലിലെ പ്രശാന്ത്-അനില ദമ്പതികളുടെ മകന് അശ്വന്ത് ആണ് മരിച്ചത്. 16 വയസായിരുന്നു. ഇന്നലെ വൈകീട്ട് 4.30ഓടെയാണ് സംഭവം. കൂട്ടുകാർക്കൊപ്പം കുളിക്കാൻ എത്തിയതായിരുന്നു അശ്വന്ത്.
എന്നാൽ പുഴയില് കുളിക്കാന് ഇറങ്ങിയ അശ്വന്തിനെ ഏറെനേരം കഴിഞ്ഞും കാണാതായതോടെ നാട്ടുകാർ എത്തുകയും തിരച്ചിൽ നടത്തുകയും ആയിരുന്നു. തിരച്ചിലിനൊടുവിൽ കരക്കെത്തിച്ച കുട്ടിയെ സ്ഥലത്തെത്തിയ കൂത്തുപറമ്പ് ഫയര്ഫോഴ്സും നാട്ടുകാരും ചേര്ന്ന് കൂത്തുപറമ്പ് താലൂക്ക് ആശുപത്രിയില് എത്തിച്ചെങ്കിലും മരണപ്പെട്ടു.
വേങ്ങാട് ഇകെ നായനാര് സ്മാരക ഗവ. ഹയര് സെക്കന്ഡറി സ്കൂള് വിദ്യാര്ഥിയാണ് മരണപ്പെട്ട അശ്വന്ത്. അനാമികയാണ് സഹോദരി. മൃതദേഹം തലശ്ശേരി ജനറല് ആശുപത്രി മോര്ച്ചറിയിലേക്ക് മാറ്റിയിരിക്കുകയാണ്.
Malabar News: മുടപ്പിലാവിൽ യുഡിഎഫ്-എൽഡിഎഫ് സംഘർഷം; 5 പേർക്ക് പരിക്ക്