ന്യൂഡല്ഹി: ബാബറി മസ്ജിദ് കേസില് സെപ്തംബര് 30ന് ലഖ്നൗവിലെ പ്രത്യേക സിബിഐ കോടതി വിധി പറയും. ബിജെപി നേതാക്കളായ എല്കെ അദ്വാനി, മുരളി മനോഹര് ജോഷി, കല്യാണ് സിങ്, ഉമാഭാരതി തുടങ്ങിയ എല്ലാ പ്രതികളും കോടതിയില് ഹാജരായിരിക്കണം എന്നും പ്രത്യേക കോടതി നിര്ദേശിച്ചു.
കേസില് സെപ്റ്റംബര് 30നുള്ളില് വിധി പറയണമെന്ന് സുപ്രീംകോടതി നിര്ദ്ദേശിച്ചിരുന്നു. ഗൂഢാലോചനാ കേസ് ഉള്പ്പെടെ ബാബറി മസ്ജിദ് തകര്ത്തതുമായി ബന്ധപ്പെട്ട മുഴുവന് കേസുകളിലും ഒരുമിച്ച് വിചാരണ നടത്തണമെന്നും സുപ്രീം കോടതി ഉത്തരവിട്ടിരുന്നു.
കോവിഡിന്റെ പശ്ചാത്തലത്തില് വീഡിയോ കോണ്ഫറന്സ് വഴിയാണ് മൊഴി രേഖപ്പെടുത്തിയത്. മുതിര്ന്ന ബിജെപി നേതാക്കളാണ് കേസിലെ പ്രതികള്. 1992 ഡിസംബര് ആറിനാണ് ബാബറി മസ്ജിദ് തകര്ത്തത്. 28 വര്ഷങ്ങള്ക്ക് ശേഷമാണ് കേസില് വിധി വരുന്നത്.
Read also: കലാ ചരിത്രകാരി കപിലാ വത്സായന് വിട വാങ്ങി