കൊച്ചി: തിരുവനന്തപുരം വിമാനത്താവള നടത്തിപ്പ് അദാനി ഗ്രൂപ്പിന് കൈമാറുന്നതിന് എതിരെ നല്കിയ ഹരജി തള്ളിയ ഹൈക്കോടതി വിധിക്കെതിരെ നിയമപോരാട്ടം തുടരുമെന്ന് സര്ക്കാര്. ഹൈക്കോടതി നടപടിക്കെതിരെ സുപ്രീം കോടതിയെ സമീപിക്കുമെന്ന് മന്ത്രി കടകംപള്ളി സുരേന്ദ്രന് പറഞ്ഞു. വിമാനത്താവളത്തിന് ഭൂമി ഏറ്റെടുത്ത് നല്കിയതടക്കം ചെയ്ത സംസ്ഥാന സര്ക്കാറിനെ മറികടന്ന് വിമാനത്താവളം അദാനിക്ക് നല്കുന്നതിനെ നിയമപരമായും ജനാധിപത്യപരമായും നേരിടുമെന്നും കടകംപള്ളി പ്രതികരിച്ചു.
വിമാനത്താവള നടത്തിപ്പ് അദാനി ഗ്രൂപ്പിന് കൈമാറാനുളള നടപടി നയപരമായ തീരുമാനമാണെന്ന കേന്ദ്രവാദം കോടതി അംഗീകരിച്ചു. ലേലത്തില് പങ്കെടുക്കാന് കേരളത്തിന് പ്രത്യേക ഇളവുകളോടെ അനുമതി നല്കിയിരുന്നു. എന്നാല് ലേലത്തില് പരാജയപ്പെട്ട ശേഷം ഇത്തരം ഹരജിയുമായി കോടതിയെ സമീപിക്കാന് കേരളത്തിന് അര്ഹത ഇല്ലെന്ന കേന്ദ്ര വാദവും കോടതി ശരിവച്ചു. ഭൂമി ഏറ്റെടുക്കല് അടക്കമുള്ള നടപടി സര്ക്കാര് ആണ് പൂര്ത്തിയാക്കിയത് എന്നതിനാല് കേരളത്തിന് പരിഗണന വേണമെന്ന വാദം അംഗീകരിക്കാനാവില്ലെന്ന് കോടതി ഉത്തരവില് വ്യക്തമാക്കി.
Read also: വിമാനത്താവള നടത്തിപ്പവകാശം; സര്ക്കാര് ഹരജി കോടതി തള്ളി