എറണാകുളം: വടക്കൻ പറവൂർ ചെറിയപല്ലൻ തുരുത്തിൽ മൂന്ന് കുട്ടികളെ പുഴയിൽ വീണ് കാണാതായി. വടക്കൻ പറവൂർ മന്നം സ്വദേശി അഭിനവ് (12), തൃശൂർ ഇരിങ്ങാലക്കുട സ്വദേശി ശ്രീരാഗ് (12) ശ്രീവേദ (10) എന്നിവരെയാണ് കാണാതായത്. ഇതിൽ ശ്രീവേദയുടെ മൃതദേഹം കണ്ടെത്തിയിട്ടുണ്ട്. മുങ്ങൽ വിദഗ്‌ധരുടെ തിരച്ചിലിലാണ് കുട്ടിയുടെ മൃതദേഹം കണ്ടെത്തിയത്.
ചെറിയപല്ലൻ തുരുത്ത് തട്ടുകടവ് പുഴയിലാണ് കുട്ടികളെ കാണാതായത്. നാട്ടുകാരും ഫയർഫോഴ്‌സും ചേർന്ന് തിരച്ചിൽ തുടരുകയാണ്. ഇന്ന് ഉച്ച തിരിഞ്ഞാണ് കുട്ടികൾ കളിക്കാനായി ഇവിടേക്ക് വന്നത്. ഇവരുടെ സൈക്കിളും തുണികളും പുഴയുടെ കരയിൽ കണ്ടതോടെ നാട്ടുകാരാണ് ഇവർക്കായി തിരച്ചിൽ തുടങ്ങിയത്. അവധിക്ക് ബന്ധുവീട്ടിൽ വന്ന കുട്ടികളാണ് അപകടത്തിൽപ്പെട്ടത്.
Most Read: കർണാടകയിൽ ജനവിരുദ്ധ നയങ്ങൾക്ക് എതിരെ ഉയർന്നുവന്ന വിധി; മുഖ്യമന്ത്രി
