വയനാട് : ജില്ലയിൽ പുള്ളിമാൻ വേട്ട നടത്തിയ സംഘത്തിലെ ഒളിവിൽ പോയ പ്രതികൾ കീഴടങ്ങി. ആക്കൊല്ലിക്കുന്ന് കോളനിയിലെ സുനിൽ(28), അജിത്ത്(22), പാഴ്സി കോളനിയിലെ റിനീഷ്(21) എന്നിവരാണ് കീഴടങ്ങിയത്.
ജില്ലയിലെ അപ്പപ്പാറ ആക്കൊല്ലിക്കുന്ന് വനത്തിൽ നിന്ന് പുള്ളിമാനിനെ വേട്ടയാടി കൊന്ന കേസിലാണ് മൂവർ സംഘം ഒളിവിൽ പോയത്. കേസിൽ രണ്ട് പേരെ നേരത്തെ തന്നെ വനംവകുപ്പ് ഉദ്യോഗസ്‌ഥർ കസ്‌റ്റഡിയിൽ എടുത്തിരുന്നു.
സംഭവ ദിവസം മാനിനെ വേട്ടയാടുന്നതായി വിവരം ലഭിച്ച വനംവകുപ്പ് ഉദ്യോഗസ്‌ഥർ സ്‌ഥലത്തെത്തി രണ്ട് പേരെ പിടികൂടിയിരുന്നു. എന്നാൽ ഈ സമയം മൂന്ന് പേർ ഓടി രക്ഷപ്പെട്ടു. വേട്ടയാടിയ മാനിനെ പാചകം ചെയ്യുമ്പോഴാണ് വനംവകുപ്പ് ഉദ്യോഗസ്‌ഥർ ഇവരെ പിടികൂടിയത്. തുടർന്ന് കഴിഞ്ഞ ദിവസമാണ് ഒളിവിൽ പോയ സംഘം കീഴടങ്ങിയത്.
Read also : കോവിഡ് വ്യാപനം; സംസ്‌ഥാനത്ത് ഇന്നും നാളെയും സമ്പൂർണ ലോക്ക്ഡൗൺ
