ഉന: ഹിമാചൽ പ്രദേശിലെ ഉന ജില്ലയിലെ ആഷാപുരെ ബാരിയർ ഗഗ്രെറ്റിൽ ബൈക്ക് യാത്രക്കാരായ മൂന്ന് പോലീസുകാർ വാഹനാപകടത്തിൽ മരിച്ചു. ഇന്നലെ രാത്രിയാണ് അപകടം നടന്നതെന്ന് ജില്ലാ അടിയന്തര പ്രവർത്തന കേന്ദ്രം(ഡിഇഒസി) അറിയിച്ചു.
വിശാൽ കുമാർ(22), മനോജ് കുമാർ(23), ശുഭം കുമാർ(24) എന്നിവരാണ് മരിച്ചത്. നാലാം ഇന്ത്യൻ റിസർവ് ബറ്റാലിയനിൽ ഉണ്ടായിരുന്ന ഇവർക്ക് രണ്ട് ദിവസം മുൻപാണ് ഉനയിൽ പോസിറ്റിങ് ലഭിച്ചത്.
മൂവരും ബൈക്കിൽ ആശാപുരെ തടയണയിലേക്ക് പോകവേ രാത്രി 10.30 ഓടെ അജ്‌ഞാത വാഹനം ഇടിക്കുകയായിരുന്നു എന്നാണ് ഡിഇഒസി വ്യക്‌തമാക്കുന്നത്‌. രണ്ട് പേർ അപകടസ്‌ഥലത്തും ഒരാൾ ആശുപത്രിയിലേക്കുള്ള യാത്രാമധ്യേയുമാണ് മരണപ്പെട്ടത്.
അതേസമയം അപകടത്തിന് ശേഷം നിർത്താതെ പോയ വാഹനത്തിനായുള്ള തിരച്ചിൽ ആരംഭിച്ചതായി പോലീസ് അറിയിച്ചു.
Most Read: സന്യാസി നരേന്ദ്ര ഗിരിയുടെ മരണം; സിബിഐ അന്വേഷിക്കും
