വയനാട് : ജില്ലയിൽ കോവിഡ് നിയന്ത്രണങ്ങളുടെ ഭാഗമായി ലോക്ക്ഡൗൺ തുടരുന്ന സാഹചര്യത്തിൽ മോഷണ വസ്‌തുക്കളുമായി യാത്ര ചെയ്‌ത 3 പേർ അറസ്‌റ്റിൽ. മാനന്തവാടി കണിയാരം പുഴക്കര സൈഫുല്ല(21), നല്ലൂർനാട് പാലമുക്ക് കാനായി വീട്ടിൽ റാസിഖ്(19), എടവക കാരക്കുനി ചിനവീട്ടിൽ ജാബിർ(24) എന്നിവരെയാണ് മീനങ്ങാടി പോലീസ് പിടികൂടിയത്. കെഎസ്ഇബി അലൂമിനിയം കമ്പിയും വാർപ് ഷീറ്റുകളും മോഷ്‌ടിച്ച് ലോറിയിൽ കടത്തുന്നതിന് ഇടയിലാണ് ഇവരെ പോലീസ് അറസ്‌റ്റ് ചെയ്‌തത്‌.
മീനങ്ങാടിയിൽ നടന്ന പോലീസ് പരിശോധനയിലാണ് മോഷണ വസ്‌തുക്കളുമായി ഇവർ പിടിയിലായത്. 480 കിലോ കെഎസ്ഇബി അലൂമിനിയം കമ്പിയും കരണിയിൽ നിന്ന് മോഷ്‌ടിച്ച 9 വാർപ്പ് ഷീറ്റുകളും ഇവരുടെ പക്കൽ നിന്നും പോലീസ് കണ്ടെടുത്തു. മീനങ്ങാടി എസ്ഐ പി ബിജു, സീനിയർ സിപിഒമാരായ എഡി മുരളീധരൻ, പിഎ സുരേഷ് കുമാർ, പിഎസ് പ്രജുഷ എന്നിവരുടെ നേതൃത്വത്തിലാണ് ഇവരെ അറസ്‌റ്റ് ചെയ്‌തത്‌.
Read also : കോവിഡ് ചികിൽസയിൽ നിന്ന് പ്ളാസ്‌മാ തെറാപ്പി പിൻവലിച്ചു
