ടൊവിനോ തോമസ് നായകനായ മധുപാല് ചിത്രം ‘ഒരു കുപ്രസിദ്ധ പയ്യന്‘ തെലുങ്കിൽ മൊഴിമാറ്റിയെത്തും. അഹ വീഡിയോസ് എന്ന ഒടിടി പ്ളാറ്റ്ഫോമിലൂടെയാണ് ചിത്രത്തിന്റെ റിലീസ് നടക്കുക. തെലുങ്ക് മൊഴിമാറ്റത്തിനൊപ്പം ചിത്രത്തിന്റെ പേരും മാറ്റിയിട്ടുണ്ട്. ‘വ്യൂഹം‘ എന്നാണ് മൊഴിമാറ്റ പതിപ്പ് പേരിട്ടിരിക്കുന്നത്. ക്രിസ്തുമസ് റിലീസ് ആയി ഈ മാസം 25നാണ് ചിത്രം ഇറങ്ങുന്നത്.
സുന്ദരിയമ്മ കൊലക്കേസിനെ ആസ്പദമാക്കി ജീവന് ജോബ് തോമസ് ആണ് ചിത്രത്തിന് തിരക്കഥയൊരുക്കിയത്. ഒഴിമുറി, തലപ്പാവ് എന്നീ ചിത്രങ്ങൾക്ക് ശേഷം മധുപാൽ ഒരുക്കിയതാണ് ‘ഒരു കുപ്രസിദ്ധ പയ്യൻ’. ടോവിനോക്ക് പുറമെ നിമിഷ സജയൻ, അനു സിതാര എന്നിവരാണ് ചിത്രത്തിലെ അഭിനേതാക്കൾ.
Read Also: ധനുഷിന്റെ രണ്ടാം ഹോളിവുഡ് ചിത്രം; ആവേശമായി ‘ദ ഗ്രേ മാൻ’