മലപ്പുറം: കോവിഡ് രണ്ടാം വ്യാപനം ശമനമില്ലാതെ തുടരുന്നതിനിടയിലും നിയന്ത്രണങ്ങൾ വകവെക്കാതെ ഭൂരിഭാഗം ആളുകളും. ട്രിപ്പിൾ ലോക്ക്ഡൗൺ ഏർപ്പെടുത്തിയിട്ടും അനാവശ്യമായി വീടിന് വെളിയിൽ ഇറങ്ങുന്നവരുടെ എണ്ണം ദിവസേന വർധിക്കുന്നു. കോവിഡ് നിയന്ത്രണങ്ങൾ പാലിക്കാതെ അനധികൃതമായി പുറത്തിറങ്ങി സഞ്ചരിച്ചതിന് 70 ഇരുചക്രവാഹനങ്ങളാണ് തേഞ്ഞിപ്പലം പോലീസ് ഇതുവരെ കസ്‌റ്റഡിയിൽ എടുത്തത്.
തേഞ്ഞിപ്പലം, ചേലേമ്പ്ര, പെരുവള്ളൂർ, പള്ളിക്കൽ എന്നീ പഞ്ചായത്തുകളുടെ വിവിധ ഭാഗങ്ങളിൽ നിന്നും ദേശീയപാതയിൽ നിന്നുമായാണ് വാഹനങ്ങൾ പിടികൂടിയത്. പിടിച്ചെടുക്കുന്ന വാഹനങ്ങൾ 24 മണിക്കൂർ കസ്‌റ്റഡിയിൽ വെച്ചശേഷം പിഴ ഈടാക്കി വിട്ടുകൊടുക്കുകയാണ് പതിവ്. ഇൻസ്‌പെക്‌ടർ എസ് അഷ്‌റഫിന്റെ നേതൃത്വത്തിലുള്ള പോലീസ് സംഘമാണ് ഇവിടങ്ങളിൽ പരിശോധന നടത്തുന്നത്.
Read also: കോവിഡ് വാക്‌സിനേഷൻ; 18-45 വയസ് വരെയുള്ളവരിൽ 32 വിഭാഗങ്ങൾക്ക് മുൻഗണന
