തൃശൂര്‍: ജില്ലയിലെ രണ്ട് പ്രദേശനങ്ങളെ ക്രിട്ടിക്കല്‍ കണ്ടെയ്ന്‍മെന്റ് സോണ്‍ ആക്കി. കോവിഡ് വ്യാപനം അതിരൂക്ഷമായതിനെ തുടര്‍ന്നാണ് നടപടി.
ഇരിങ്ങാലക്കുട, കുന്നംകുളം നഗരസഭകളിലെ എല്ലാ ഡിവിഷനുകളും നാട്ടിക പഞ്ചായത്തിലെ മുഴുവന്‍ വാര്‍ഡുകളുമാണ് ക്രിട്ടിക്കല്‍ കണ്ടെയ്ന്‍മെന്റ് സോണായി പ്രഖ്യാപിച്ചത്.
Read Also: അന്തര്‍സംസ്‌ഥാന യാത്രാ നിരക്കില്‍ ഇളവുമായി കെഎസ്ആര്‍ടിസി
ഞായറാഴ്‌ച സംസ്‌ഥാനത്ത് ഏറ്റവും കൂടുതല്‍ കോവിഡ് കേസുകള്‍ തൃശൂരിലാണ് റിപ്പോര്‍ട്ട് ചെയ്‌തത്. ഇന്നലെ മാത്രം ജില്ലയില്‍ 1011 പേര്‍ക്ക് കോവിഡ് സ്‌ഥിരീകരിച്ചിരുന്നു. ഇതില്‍ 996 പേര്‍ക്കും സമ്പര്‍ക്കത്തിലൂടെയാണ് രോഗബാധ. കൂടാതെ 9 പേരുടെ രോഗ ഉറവിടം ഇനിയും വ്യക്‌തമായിട്ടില്ല.
ജില്ലയില്‍ കോവിഡ് വ്യാപനം രൂക്ഷമാവുന്ന സാഹചര്യത്തില്‍ പ്രതിരോധ നടപടികള്‍ ഊര്‍ജിതമാക്കുകയാണ് ആരോഗ്യ വകുപ്പും പോലീസും.
Malabar News: വടകരയില്‍ പകല്‍വീട്, ഷീ ലോഡ്‌ജ് ഉല്‍ഘാടനം ഇന്ന്
