ഇടുക്കി: ചേറ്റുകുഴിയിൽ രണ്ടു വയസുകാരൻ ടിപ്പർ ലോറി ഇടിച്ചു മരിച്ചു. അതിഥി തൊഴിലാളികളായ ദുലാൽ ഹുസൈൻ-ഖദീജ ബീഗം ദമ്പതികളുടെ മകൻ മരുസ് റബ്ബാരി ആണ് മരിച്ചത്. അസം സ്വദേശികളാണ് ഇവർ.
റോഡിന് സമീപത്തു നിന്ന കുട്ടിയെ, സിമന്റ് കട്ട കയറ്റി പോകുകയായിരുന്ന ലോറി ഇടിക്കുകയായിരുന്നു. ഇടിച്ചിട്ട ശേഷം ലോറി നിർത്താതെ പോകുകയും ചെയ്‌തു. തുടർന്ന് കുട്ടിയെയുമായി അമ്മയും ബന്ധുവും റോഡിലെത്തി അതുവഴി എത്തിയ മറ്റൊരു ലോറിയിൽ സമീപത്തെ ആശുപത്രിയിൽ എത്തിച്ചു.
എന്നാൽ ഇവിടെ നിന്നും മതിയായ ചികിത്സ ലഭിച്ചില്ല. തുടർന്ന് കട്ടപ്പനയിലെ സ്വകാര്യ ആശുപത്രിയിൽ എത്തിച്ചെങ്കിലും അപ്പോഴേക്കും കുഞ്ഞ് മരിച്ചിരുന്നു. മൃതദേഹം കട്ടപ്പനയിലെ സ്വകാര്യ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.
Most Read: ‘ഒരു തെറ്റും പറ്റിയിട്ടില്ല’; ഹരിത വിവാദത്തിൽ പ്രതികരിച്ച് പികെ നവാസ്
