അബുദാബി: കഴിഞ്ഞ 24 മണിക്കൂറിനിടെ യുഎഇയില് കോവിഡ് ബാധ സ്ഥിരീകരിച്ചത് 1810 പേര്ക്ക്. 1652 പേര് കൂടി രോഗമുക്തി നേടിയപ്പോള് രണ്ട് കോവിഡ് മരണങ്ങളും രാജ്യത്ത് റിപ്പോര്ട് ചെയ്തതായി ആരോഗ്യ-പ്രതിരോധ മന്ത്രാലയം അറിയിച്ചു.
ഇതുവരെയുള്ള കണക്കുകള് പ്രകാരം ആകെ 4,83,747 പേര്ക്കാണ് യുഎഇയില് കോവിഡ് വൈറസ് ബാധ സ്ഥിരീകരിച്ചിട്ടുള്ളത്. ഇവരില് 4,68,456 പേർ ഇതിനോടകം രോഗമുക്തരായി. 1531 പേർക്കാണ് രാജ്യത്ത് ഇതുവരെ കോവിഡ് മൂലം ജീവൻ നഷ്ടമായത്.
നിലവില് 13,760 കോവിഡ് രോഗികള് യുഎഇയില് ഉണ്ടെന്നാണ് ഔദ്യോഗിക കണക്കുകള് വ്യക്തമാക്കുന്നത്. കഴിഞ്ഞ 24 മണിക്കൂറിനിടെ 2,42,415 കോവിഡ് പരിശോധനകളാണ് രാജ്യത്ത് നടത്തിയത്. 4.02 കോടിയിലധികം കോവിഡ് പരിശോധനകളാണ് ഇതുവരെ യുഎഇയില് നടത്തിയിട്ടുള്ളത്.
Read Also: ലോകത്ത് ഏറ്റവും വേഗത്തിൽ വാക്സിൻ വിതരണം ചെയ്യുന്ന രാജ്യമായി ഇന്ത്യ