തിരുവനന്തപുരം: സംസ്‌ഥാനത്ത് മെയ് 9ആം തീയതി യുഡിഎഫ് ഏകോപന സമിതി ചേരും. തിങ്കളാഴ്‌ച ഉച്ചക്ക് 12 മണിക്ക് എറണാകുളം ഡിസിസിയിൽ ചേരുന്ന യോഗത്തിൽ തൃക്കാക്കര ഉപതിരഞ്ഞെടുപ്പുമായി ബന്ധപ്പെട്ട കാര്യങ്ങൾ ചർച്ച ചെയ്യും. കോൺഗ്രസ് നേതാവ് എംഎം ഹസൻ ആണ് ഇക്കാര്യം വ്യക്‌തമാക്കിയത്‌.
അതേസമയം തൃക്കാക്കര മണ്ഡലത്തിലെ യുഡിഎഫ് സ്‌ഥാനാർഥിയായി ഉമാ തോമസിനെ തിരഞ്ഞെടുത്തതിൽ പാർട്ടിക്കുള്ളിലെ ഒരു വിഭാഗം എതിർപ്പുമായി രംഗത്തെത്തിയിട്ടുണ്ട്. പാർട്ടി പ്രവർത്തകരോട് ആലോചിക്കാതെ എടുത്ത തീരുമാനമാണ് ഇതെന്നും, പിടി തോമസിനോട് ആദരവ് കാണിക്കേണ്ടത് ഭാര്യക്ക് സ്‌ഥാനാർഥിത്വം നൽകിയല്ലെന്നുമാണ് നിലവിൽ ഉയരുന്ന വിമർശനം.
അന്തരിച്ച മുൻ എംഎൽഎ പിടി തോമസിന്റെ ഭാര്യ ഉമാ തോമസിനെ ഇന്നലെയാണ് തൃക്കാക്കര മണ്ഡലത്തിലെ യുഡിഎഫ് സ്‌ഥാനാർഥിയായി തിരഞ്ഞെടുത്തത്. ഉമാ തോമസിന്റെ പേര് മാത്രമാണ് കെപിസിസി പരിഗണിച്ചതും നിർദ്ദേശിച്ചതും. തുടർന്ന് ഈ നിർദ്ദേശം ഹൈക്കമാൻഡ് അംഗീകരിക്കുകയും ചെയ്‌തു. മെയ് 31ആം തീയതിയാണ് പിടി തോമസിന്റെ നിര്യാണത്തെ തുടർന്ന് ഒഴിവ് വന്ന തൃക്കാക്കര മണ്ഡലത്തിൽ ഉപതിരഞ്ഞെടുപ്പ് നടക്കുക.
Read also: നിലപാടുകൾ സ്‍ത്രീവിരുദ്ധം; ‘അമ്മ’യുടെ നടപടിയിൽ ഹരീഷ് പേരടി
