കാലിഫോര്ണിയ: അന്തരീക്ഷ വായുവിലുള്ള കോവിഡ് വൈറസിനെ ഇല്ലാതാക്കുന്നതിന് അള്ട്രാവയലറ്റ് രശ്മികള് (യുവിസി) സഹായിക്കുമെന്ന് കണ്ടെത്തല്. താരതമ്യേന മറ്റ് കുഴപ്പങ്ങളില്ലാത്ത അള്ട്രാവയലറ്റ് സി കിരണങ്ങളാകും ഇതിനായി ഉപയോഗിക്കുക. ആശുപത്രികള്, കോവിഡ് കെയര് സെന്ററുകള് തുടങ്ങി വായുവില് വൈറസിന്റെ സാനിധ്യം കൂടുതല് കാണാന് സാധ്യതയുള്ള സ്ഥലങ്ങളില് ഇത് ഫലപ്രദം ആയിരിക്കുമെന്നാണ് വിലയിരുത്തല്.
യുവിസി ഉപയോഗിക്കുമ്പോള് അന്പത് മുതല് എണ്പത് ശതമാനംവരെ വൈറസുകള് കൊല്ലപ്പെടും. കംമ്പ്യൂട്ടറിന്റെ സഹായത്തില് പ്രവര്ത്തനം നടക്കുന്നതിനാല് ഇവ ശരീരത്തിന് ദോഷകരമായി ബാധിക്കില്ലെന്നാണ് കരുതുന്നത്. മുറിക്കുള്ളിലും മറ്റും സാമൂഹിക അകലം പാലിക്കുക്കാന് പ്രയാസമേറിയ ഘട്ടങ്ങളില് യുവിസി ഉപയോഗം ഫലപ്രദമാണ്. എന് 95 മാസ്ക് ഉപയോഗിക്കുന്നതിന് സമാനമായ രീതിയില് വൈറസിനെ തടുക്കാന് യുവിസിക്ക് സാധിക്കുമെന്നാണ് വാര്ത്താ ഏജന്സിയായ പിടിഐ റിപ്പോര്ട്ട് ചെയ്യുന്നത്.
Read also: കോവിഡ് വാക്സിന്റെ വന്തോതിലുള്ള വിതരണം റഷ്യയില് അടുത്തയാഴ്ച തുടങ്ങാന് ഉത്തരവിട്ട് പുടിന്