ന്യൂ ഡെൽഹി: കേന്ദ്ര ഭക്ഷ്യ മന്ത്രിയും എൽജെപി നേതാവുമായ രാംവിലാസ് പാസ്വാൻ അന്തരിച്ചു. 74 വയസായിരുന്നു. ഹൃദയ ശസ്ത്രക്രിയക്ക് വിധേയനായതിനെ തുടർന്ന് ഡെൽഹി ആശുപത്രിയിൽ നിരീക്ഷണത്തിൽ കഴിയുന്നതിനിടെ ആണ് മരണം. അദ്ദേഹത്തിന്റെ മകനും എൽ ജെ പി നേതാവുമായ ചിരാഗ് പാസ്വാൻ ആണ് മരണ വാർത്ത ട്വീറ്റ് ചെയ്തത്.
“പപ്പാ, നിങ്ങൾ ഇന്ന് ഈ ലോകത്തിലില്ല, പക്ഷേ എവിടെയായിരുന്നാലും നിങ്ങൾ എപ്പോഴും എന്നോടൊപ്പം ഉണ്ടായിരിക്കും. മിസ് യു പപ്പാ,”- ചിരാഗ് പാസ്വാൻ ട്വീറ്റ് ചെയ്തു.
पापा….अब आप इस दुनिया में नहीं हैं लेकिन मुझे पता है आप जहां भी हैं हमेशा मेरे साथ हैं।
Miss you Papa… pic.twitter.com/Qc9wF6Jl6Z— युवा बिहारी चिराग पासवान (@iChiragPaswan) October 8, 2020
ആറ് തവണ കേന്ദ്ര മന്ത്രിസഭാംഗമായിരുന്നു രാംവിലാസ് പാസ്വാൻ. രാജ്യത്തെ ദലിത് രാഷ്ട്രീയ നേതാക്കളില് പ്രമുഖനാണ്. മന്മോഹന് സിങ്, വാജ്പേയ്, ദേവഗൗഡ, വി.പി.സിങ് മന്ത്രിസഭകളിലും അംഗമായിരുന്നു.