പാറ്റ്ന: എല്‍ജെപി എംപി രാം വിലാസ് പാസ്വാന്റെ മരണത്തോടെ ഒഴിവ് വന്ന രാജ്യസഭാ സീറ്റിലേക്ക് ബിജെപി മല്‍സരിക്കാന്‍ സാധ്യത. രാം വിലാസ് പാസ്വാന്റെ ഭാര്യ റീന പാസ്വാന്‍ ഇവിടെ മല്‍സരിക്കുമെന്ന് സൂചന ഉണ്ടായിരുന്നെങ്കിലും ജെഡിയുവിന്റെ പിന്തുണ ലഭിച്ചേക്കില്ലെന്ന കാരണത്താല്‍ ബിജെപി പറയാതെ സ്‌ഥാനാര്‍ഥിയെ തീരുമാനിക്കേണ്ടെന്ന നിലപാടിലാണ് എല്‍ജെപി.
‘ജെഡിയു ഞങ്ങളുടെ സ്‌ഥാനാര്‍ഥിയെ പിന്തുണക്കാന്‍ സാധ്യത ഇല്ലാത്തതിനാൽ ഞങ്ങള്‍ സ്‌ഥാനാര്‍ഥിയെ നിര്‍ത്താന്‍ സാധ്യത കുറവാണ്,’ എല്‍ജെപി വൃത്തങ്ങള്‍ അറിയിച്ചു.
ഡിസംബര്‍ 14ന് രാജ്യസഭയിലേക്കുള്ള ഉപതിരഞ്ഞെടുപ്പ് നടക്കുമെന്ന് തിരഞ്ഞെടുപ്പ് കമ്മീഷന്‍ പ്രഖ്യാപിച്ചിട്ടുണ്ട്. നവംബര്‍ 26ന് വിജ്‌ഞാപനം പുറപ്പെടുവിക്കും. ഡിസംബര്‍ 3 ആണ് നാമനിര്‍ദ്ദേശ പത്രിക സമര്‍പ്പിക്കാനുള്ള അവസാന തീയതി.
ബീഹാര്‍ നിയമസഭാ തിരഞ്ഞെടുപ്പിനോട് അനുബന്ധിച്ച് എന്‍ഡിഎയിലെ സഖ്യകക്ഷിയായ ജെഡിയുവുമായി എല്‍ജെപി നേതാവും രാം വിലാസ് പാസ്വാന്റെ മകനുമായ ചിരാഗ് അകലുകയും ഭിന്നതയെ തുടര്‍ന്ന് എന്‍ഡിഎ വിടുകയും ചെയ്‌തിരുന്നു.
എന്നാല്‍ ബിജെപിയുമായി എല്‍ജെപിക്ക് ഭിന്നത ഉണ്ടായിരുന്നില്ല. രാജ്യസഭയിലേക്ക് എല്‍ജെപി സ്‌ഥാനാര്‍ഥിയെ നിര്‍ത്തിയാല്‍ ജെഡിയുവിന്റെ പിന്തുണ ലഭിക്കുമോ എന്ന കാര്യത്തില്‍ സംശയമുള്ളതിനാല്‍ ബിജെപി സ്‌ഥാനാര്‍ഥിയെ തന്നെ നിര്‍ത്തിയേക്കാനാണ് സാധ്യതയെന്നാണ് സൂചനകള്‍.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
