കൊല്ലം: പൂതക്കുളത്ത് ഭാര്യയെയും മകളെയും കഴുത്തറുത്ത് കൊന്ന് ഭർത്താവ് ആത്മഹത്യക്ക് ശ്രമിച്ചു. പ്രീത (37), ശ്രീനന്ദ (12), എന്നിവരാണ് കൊല്ലപ്പെട്ടത്. കൊല്ലാനുള്ള ശ്രമത്തിനിടെ ഗുരുതരമായി പരിക്കേറ്റ മകൻ ശ്രീരാഗിനെ (18) കൊട്ടിയത്തെ സ്വകാര്യ ആശുപത്രിയിൽ പ്രവേശിപ്പിച്ചു.
ആത്മഹത്യക്ക് ശ്രമിച്ച ശ്രീജു (46) മെഡിക്കൽ കോളേജ് ആശുപത്രിയിൽ ചികിൽസയിലാണ്. ശ്രീജു കുറ്റം സമ്മതിച്ചതായാണ് സൂചന. ഇന്ന് രാവിലെയാണ് അതിദാരുണമായ സംഭവം നടന്നത്. പ്രീതയ്ക്ക് കാൻസർ സ്ഥിരീകരിച്ചിരുന്നു. കടബാധ്യതയെ തുടർന്ന് കുടുംബം പ്രതിസന്ധിയിൽ ആയിരുന്നു. പൂതക്കുളം ബാങ്കിലെ കളക്ഷൻ ഏജന്റാണ് പ്രീത.
Most Read| താനൂർ ബോട്ടപകടത്തിന് ഇന്ന് ഒരാണ്ട്; പൊലിഞ്ഞത് 22 ജീവനുകൾ- തേങ്ങലടങ്ങാതെ ഉറ്റവർ