അബുദാബി: കോവിഡ് വാക്‌സിൻ സ്വീകരിക്കാത്ത 12 വയസും, അതിന് മുകളിലുമുള്ള വിദ്യാർഥികൾ എല്ലാ ആഴ്‌ചയും പിസിആർ പരിശോധന നടത്തണമെന്ന് വ്യക്‌തമാക്കി യുഎഇ വിദ്യാഭ്യാസ മന്ത്രാലയം. കൂടാതെ 12 വയസിന് മുകളിൽ വാക്‌സിൻ എടുത്തവരും 12 വയസിൽ താഴെ വാക്‌സിൻ എടുക്കാത്തവരും എല്ലാ മാസവും പരിശോധന നടത്തണമെന്നും വിദ്യാഭ്യാസ മന്ത്രാലയത്തിന്റെ നിർദ്ദേശത്തിൽ വ്യക്‌തമാക്കി.
കുട്ടികൾ വാക്‌സിനെടുത്തതിന്റെ തെളിവായി അൽ ഹൊസൈൻ ആപ്പിലെ സ്‌റ്റേറ്റസ് രക്ഷിതാക്കൾ സ്‌കൂൾ അധികൃതരെ കാണിക്കണം. കൂടാതെ കോവിഡ് പരിശോധന നടത്താൻ നിർദ്ദേശിച്ചിട്ടുള്ള കുട്ടികൾ കൃത്യ സമയത്ത് പരിശോധന ഫലവും സ്‌കൂൾ അധികൃതർക്ക് സമർപ്പിക്കണം. അതേസമയം വാക്‌സിൻ എടുത്തവർക്കും അല്ലാത്തവർക്കും ഓൺലൈൻ പാഠ്യപദ്ധതി അനുവദിക്കുമെന്ന് ആരോഗ്യവകുപ്പ് വക്‌താവ് ഡോക്‌ടർ ഫരീദ അൽ ഹൊസാനി വ്യക്‌തമാക്കി.
Read also: 78 ഇന്ത്യക്കാരെ കൂടി ഡെൽഹിയിൽ എത്തിച്ചു; കൂട്ടത്തിൽ സിസ്‌റ്റർ തെരേസയും
