കോട്ടയം: ജില്ലാ ജനറൽ ആശുപത്രിക്ക് സമീപം ചന്തക്കവലയിൽ അമിത വേഗത്തിൽ വന്ന സ്വകാര്യ ബസ് ഫുട്‍പാത്തിലേക്ക് പാഞ്ഞുകയറി അപകടം. അഞ്ചുപേർ ബസിനടിയിൽപ്പെട്ടു. രണ്ടുപേരുടെ നില ഗുരുതരമാണ്. ഇവരെ മെഡിക്കൽ കോളേജ് ആശുപത്രിയിലേക്ക് മാറ്റി. വൈകീട്ട് ഏഴുമണിയോടെയാണ് സംഭവം.
ചങ്ങനാശേരിയിൽ നിന്ന് കോട്ടയത്തേക്ക് വന്ന താണ്ടപ്ര ബസാണ് അപകടത്തിനിടയാക്കിയത്. അപകടത്തിന് പിന്നാലെ ബസിൽ നിന്ന് ഇറങ്ങിയോടിയ ഡ്രൈവറെ പോലീസും നാട്ടുകാരും ചേർന്ന് പിടിച്ചുവെക്കുകയായിരുന്നു. കനത്ത മഴയിലും ഗതാഗതക്കുരുക്കിലും ഇടയിലാണ് അപകടം.
ബസ് അമിത വേഗത്തിൽ ആയിരുന്നുവെന്ന് യാത്രക്കാർ പറഞ്ഞു. ഫുട്‍പാത്തിന്റെ ബാരിക്കേഡും സമീപത്തെ പോസ്‌റ്റും അപകടത്തിൽ തകർന്നു. കടയിലേക്കും ഇടിച്ചു കയറി. പരിക്കേറ്റവരെ ജില്ലാ ആശുപത്രിയിൽ പ്രവേശിപ്പിച്ചു.
Most Read| സമാധാന നൊബേൽ സമ്മാനം ഇന്ത്യൻ വംശജയായ നവനീതം നവി പിള്ളയ്‌ക്ക്
