തിരുവനന്തപുരം: ലൗ ജിഹാദിലെ ജോസ് കെ മാണിയുടെ പരാമർശത്തിൽ പ്രതികരണവുമായി വി മുരളീധരൻ. കേരളത്തിലെ ക്രൈസ്തവരുടെ ആശങ്കയാണ് ജോസ് കെ മാണി പങ്കുവെച്ചതെന്ന് വി മുരളീധരൻ പറഞ്ഞു.
മുഖ്യമന്ത്രിയെക്കാൾ മുന്നണിയിലെ നേതാവായി ജോസ് കെ മാണി മാറിയെന്ന് വി മുരളീധരൻ പറഞ്ഞു. എന്നാൽ മുഖ്യമന്ത്രിയുടെ വിരട്ടലിൽ ജോസ് കെ മാണി നിലപാട് മാറ്റിയെന്നും മുഖ്യമന്ത്രിക്ക് മുന്നിൽ മുട്ടു മടക്കിയെന്നും വി മുരളീധരൻ കൂട്ടിച്ചേർത്തു. ജോസ് കെ മാണി ആദ്യം പറഞ്ഞത് സ്വതന്ത്ര്യ അഭിപ്രായമാണെന്നും മുരളീധരൻ പറഞ്ഞു. കേരളത്തിൽ ഭീകരവാദികളെ പേടിച്ച് നിൽക്കുന്നവരാണ് മറ്റു രണ്ട് മുന്നണികളെന്നും കേന്ദ്രമന്ത്രി അഭിപ്രായപ്പെട്ടു. എന്നാൽ ബിജെപിക്ക് ലീഗിനെ പേടിയില്ലെന്നും വി മുരളീധരൻ കൂട്ടിച്ചേർത്തു.
Read also: കാർഷിക നിയമങ്ങൾ കത്തിച്ച് ഡെൽഹിയിൽ കർഷകരുടെ ‘ഹോളിക ദഹൻ’ ആഘോഷം