7 വര്ഷത്തെ ഇടവേളയ്ക്ക് ശേഷം മലയാള സിനിമയിലേക്ക് തിരിച്ചുവരാനൊരുങ്ങി പ്രിയതാരം വാണി വിശ്വനാഥ്. താരം മുഖ്യ വേഷത്തിലെത്തുന്ന ചിത്രത്തിന്റെ ടൈറ്റില് പോസ്റ്റര് പുറത്തുവിട്ടു. ‘ദി ക്രിമിനല് ലോയര്’ എന്ന് പേരിട്ടിരിക്കുന്ന ഈ ചിത്രത്തില് ബാബുരാജും പ്രധാന വേഷത്തിലുണ്ട്.
ജിതിന് ജിത്തു ആണ് ചിത്രം സംവിധാനം ചെയ്യുന്നത്. ‘കല വിപ്ളവം പ്രണയം’ എന്ന ചിത്രത്തിന് ശേഷം ജിതിന് ജിത്തു സംവിധാനം ചെയ്യുന്ന ചിത്രമാണിത്. ഉമേഷ് എസ് മോഹനാണ് തിരക്കഥ രചിച്ചിരിക്കുന്നത്. തേര്ഡ് ഐ മീഡിയ മേക്കേഴ്സിന്റെ ബാനറിലാണ് ചിത്രം ഒരുങ്ങുന്നത്.
ജഗദീഷ്, സുധീര് കരമന, അബു സലീം, ഷമ്മി തിലകന്, സുരേഷ് കൃഷ്ണ, ജോജി, റിയ സൈറ, സിന്ധു മനുവര്മ തുടങ്ങിയവരാണ് ചിത്രത്തില് മറ്റ് കഥാപാത്രങ്ങളെ അവതരിപ്പിക്കുന്നത്.
ഷിനോയ് ഗോപിനാഥ് ക്യാമറ കൈകാര്യം ചെയ്യുന്ന ചിത്രത്തിന് ഈണം പകരുന്നത് വിഷ്ണു മോഹന് സിതാരയാണ്. തിരുവനന്തപുരത്തും പരിസര പ്രദേശങ്ങളിലുമായി നവംബര് മാസത്തില് ഷൂട്ടിംഗ് ആരംഭിക്കും.
Most Read: പപ്പായ ഉണ്ടോ? എളുപ്പത്തിൽ തയ്യാറാക്കാം ഈ ഫെയ്സ് പാക്കുകൾ