ഡെൽഹിയിൽ കേരളത്തിന്റെ പ്രത്യേക പ്രതിനിധിയാകാൻ വേണു രാജാമണി

By News Desk, Malabar News
Ajwa Travels

കോഴിക്കോട്: നെതർലാൻഡ്‌സ് മുൻ അംബാസഡർ വേണു രാജാമണി ഡെൽഹിയിൽ കേരളത്തിന്റെ പ്രത്യേക പ്രതിനിധിയായേക്കുമെന്ന് റിപ്പോർട്. നേരത്തെ മുൻ എംപി എ സമ്പത്ത് വഹിച്ചിരുന്ന പദവിയാണിത്. നിയമനം മന്ത്രിസഭ അംഗീകരിച്ചതായി ചീഫ് സെക്രട്ടറി അറിയിച്ചുവെന്നും കേരളത്തിന് വേണ്ടി പ്രവർത്തിക്കാൻ അവസരം കിട്ടുന്നതിൽ സന്തോഷമുണ്ടെന്നും വേണു രാജാമണി പ്രതികരിച്ചുവെന്ന് മാദ്ധ്യമങ്ങൾ റിപ്പോർട് ചെയ്യുന്നു.

സംസ്‌ഥാന സർക്കാരിനും കേന്ദ്ര സർക്കാരിനുമിടയിൽ ഇടനിലക്കാരായി പ്രവർത്തിക്കുന്നതിനാണ് പ്രത്യേകം പ്രതിനിധികളെ നിയമിക്കുന്നത്. കേരളത്തിന് പുറമെ തമിഴ്‌നാടും കർണാടകയും തെലങ്കാനയും ഡെൽഹിയിൽ ഇത്തരത്തിൽ പ്രതിനിധികളെ നിയമിച്ചിരുന്നു. ഉദ്യോഗസ്‌ഥതലത്തിലും മന്ത്രിതലത്തിലും വേണു രാജാമണിക്കുള്ള ബന്ധങ്ങൾ കേരളത്തിന് പ്രയോജപ്പെടുത്തുന്നതിനുള്ള നീക്കം കൂടിയാണിതെന്നാണ് വിലയിരുത്തൽ.

സംസ്‌ഥാനമന്ത്രിക്ക് തുല്യമായ പദവിയാണ് പ്രത്യേക പ്രതിനിധിക്ക് ലഭിക്കുക. മുൻ പ്രതിനിധി എ സമ്പത്തിന് 90,000 രൂപയായിരുന്നു പ്രതിമാസ ശമ്പളം. കൂടാതെ സൗജന്യ താമസവും വാഹനവും ലഭിക്കും. പ്രൈവറ്റ് സെക്രട്ടറി അടക്കം അഞ്ച് ജീവനക്കാരുടെ സേവനവും പ്രത്യേക പ്രതിനിധിക്ക് സംസ്‌ഥാന സർക്കാർ ലഭ്യമാക്കും.

Also Read: തച്ചങ്കരിക്ക് എതിരായ അനധികൃത സ്വത്ത് സമ്പാദനകേസ്; തുടർ അന്വേഷണമാകാം- ഹൈക്കോടതി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE